Gipasidunggan ni Governor Edwin "Kuya Gov" Jubahib ang 135 ka mga trabahante sa provincial capitol pinaagi sa Gantimpala Agad Award niadtong Marso 26, 2024 sa VIP Clubhouse, DNSTC, Mankilam, Tagum City. Kini isip bunga sa ilang pagpaningkamot, dedikasyon ug kakugi sa pagpanerbisyo sa Probinsya. Sila nidawat og sertipiko nga gilagdaan mismo sa gobernador ug gift item nga emergency flaslight agi’g pahalipay.
Ang sertipikasyon nagsaysay sa ilang kontribusyon aron sa pagkab-ot sa kalamboan sa pagdumala sa Probinsyal nga Panggamhanan sa Davao del Norte. Giila ang kakugi sa TB team gikan sa Provincial Economic Enterprise Development Office-Davao del Norte Hospital Kapalong Zone nga eksperto sa mycobacterium Tuberculosis Complex (MTB) RIFAMPICIN Resistance Performance Evaluation Program Round 2022 nga gitugyan kanila sa Department of Health, Research Institute for Tropical Medicine. Nagsilbing garbo sa probinsya ang ilang kalampusan.
Dugang niini, giila ang partisipasyon sa taga-Provincial Information, Communication, and Knowledge Management Office (PICKMO), Provincial Planning and Development Office (PPDO) sa kalampusan sa dihang gisaulog ang pinakaunang tuig sa pagka-insurgency free sa DavNor ug lakip ang National Peace Consciousness Month Celebration alang sa tuig 2023. Ang ubang mga trabahante nga mga awardee naggikan sa Provincial Health Office (PHO), PENRO ug uban pa.
Gipahayag ni PHRMO Head Edwin Palero nga aron ma-promote sa taas nga posisyon sa pagpanarbaho, ang mga trabahante gikinahanglan magpakita’g talagsaong kakugi ug pagpaningkamot sa ilang mga buhatan. Nalukop sa pagdayeg, pagpasalamat, ug pag-aghat ang mga mensahe nga gipadangat ni Gov Jubahib aron mas mahatod ang matinud-anong gugma sa pagpanerbisyo sa katawhan.
"Yes, competency is required because it’s needed for you to perform that function of that position having knowledge, skills, and attitude para ma-perform na nga position ninyo ug kanang gusto ninyo nga ma-promote mo diha," matud ni Palero.
"Today, we express our deepest gratitude to every individual who has contributed to this remarkable achievement. Our appreciation to our fellow servant, public leaders and volunteers who have tireless work hand in hand," sulti ni de Ramos.
Ang nasangpit nga mga awardee magsilbing inspirasyon ug sumbanan ngadto sa ubang empleyado nga magpakita og mga dalaygonon ug maayong binuhatan sa tagsa-tagsa nila ka mga departamento. Ang Gantimpala Agad Award padayon nga ginahimo sa probinsya sa pagdumala sa Provincial Human Resource Management Office (PHRMO) duyog sa mga department ug division heads.
Writer/Photos: Maria Lorna P. Tripoli
