Gisiguro ni Governor Edwin “Kuya Gov” I. Jubahib nga adunay kadasig ug kalampusan ang matag kawani sa Probinsyal nga Panggamhanan sa Davao del Norte ug mapasidunggan ang ilang mga paningkamot pinaagi sa pagganti og Gantimpala Agad Award (GAA) sa takos nga mga empleyado kagahapon, Pebrero 21, 2022, sa Bulwagan ng Karunungan, Government Center.

Gitunol ni Provincial Human Resource and Management Officer (PHRMO) Edwin A. Palero, inubanan ni Provincial Environment and Natural Resources Officer (PENRO) Dr. Romulo D. Tagalo, Provincial Social Welfare and Development Office (PSWDO) Assistant Department Head Jeffrey R. Calamongay, ug Acting Provincial Treasurer Evelyn G. Espra ang mga sertipiko ug gift mugs sa mga musunod nga empleyado;

Alang sa paningkamot ug dedikasyon nga ilang gipakita atol sa Ginoo at Binibining Capitolympics 2021:

Michael Angelo Balila (Technical Team, PICKMO)
Ryan Julius D. Omila (Technical Team, PICKMO)
Jun Cyrex B. Macalinao (Technical Team, PICKMO)
Jonald J. Lalas (Technical Team, PICKMO)
Aldrin S. Dupagan (Technical Team, PICKMO)
Rhoi C. Obar (Technical Team, PICKMO)
Kenneth Von B. Villa (Technical Team, PICKMO)
Nilo S. Caampuid (Production Team, PICKMO)
Ejay D. Capoy (Production Team, PICKMO)
Chennie Kaye B. Lagarto (Production Team, PICKMO)
Krizza Mae V. Mier (Production Team, PICKMO)
Angelicka L. Abinuman (Production Team, PICKMO)
Maria Cecilia M. Revilla (Production Team, PICKMO)

Alang sa dokumentasyon sa proactive response sa Probinsya sa mga apektadong LGUs sa Bagyong Odette nga miigo sa Surigao City ug Siargao Island:

Ejay D. Capoy (PICKMO)
Junrey Villanueva (PICKMO)

Alang sa malampusong paghatod ug pagtugyan sa hinabang gikan sa Katawhan sa Davao del Norte ngadto sa mga biktima sa Bagyong Odette sa Surigao City ug Siargao Island pinaagi sa hugot nga koordinasyon ug pakigtambayayong sa mga hingtungdan nga local government units, mga lider niini, ug mga frontline personnel:

Jeffrey Calamongay, RSW (PSWDO)
Lanny Guinit, RSW (PSWDO)
Fevelyn Marfe, RSW, MSSW, MPA (PSWDO)
Gigi Cacacho, RN (PSWDO)

Alang sa malampuson ug paspas nga pagprepara sa hinabang nga gihatod ug gi-turnover sa hugot nga koordinasyon sa mga response agencies ug mga hingtungdan nga local government units:

Melvin Roy Javier (PDRRMD)
George Michael Cabatuan (PDRRMD)

Alang sa malampuson nga pagdala ug paghatod sa hinabang ngadto sa mga local government units na naapektuhan sa bagyo:

Junnifer Tombaga (PEO)
Rexis Ebo (PEO)
Teodor Oyao (PEO)
Tirso Villapana (PEO)
Darryl Unos (PEO)
Lowel Jay Zafra (PEO)

Alang sa paningkamot ug pagsuporta sa pagpatuman sa Revenue Generation Program ning Probinsya:

Engr. Edwin S. Misa (PEO)
Dr. Romulo D. Tagalo, MM (PENRO PG Department Head)
Joevynar M. Miedes (PAdO Development Management Officer III)
Dr. Jessie T. Belga, MD (PEEDO)
Narie Liza D. Besinga, RMT (PEEDO)
Daniel D. Ongking (PEEDO)

Alang sa padayong suporta sa Revenue Generation Program ug alang sa pagtampo sa pagtaas sa actual revenue collections sa Probinsya para sa CY 2021:

Virgillo Enrique E. Abanilla (PCSO DavNor Head)

Gipaabot ni PHRMO Department Head Edwin A. Palero ang pagpasalamat ni Kuya Gov sa mga empleyado nga adunay nahimong kaayohan dili lamang sa opisina ug sa ahensya, labi na gyud sa giserbisyohan nga mga katawhan.

“Si Kuya Gov Edwin I. Jubahib, ang atong pinalanggang governor, ang iyang instruction sa ako nga dili gyud kalimtan ang welfare sa mga empleyado labi na gyud sa pandemya… pinasahi ang iyang management style kay ang gusto gyud niya ang approach kanang holistic. Kanang nagatanaw gyud siya sa mga empleyado”, matud ni Palero.

Gihisgotan sab sa PHRMO Department Head ang mga anaang programa ug serbisyong ginatanyag sa Probinsyal nga Panggamhanan sama sa Psychological First Aid, performance-based bonus, ug planong ipatukod nga fitness gym alang sa pagpanalipod sa mga empleyado sa Probinsya bahin sa pisikal, mental, pinansyal, ug uban pang aspeto.

“Gusto ni Kuya Gov nga we have a sound mind, a sound body, ug kung pwede lang… financially capable o stable. Kay kung dili man gud, maglisod ta og serbisyo sa katawhan in the best that we can, because naa man gyu’y gina ingon nga you cannot give what you don’t have… So mao nang ang atoang Kuya Gov Edwin I. Jubahib naningkamot nga naa gyud mo’y holistic nga development ug motivation sama aning paghatag og mga awards”, ingon ni Palero.

Mihatag sab og mensahe ang pipila ka mga P.G. department heads gikan sa nagkadaiyang opisina alang sa mga nakadawat sa Gantimpala Agad Award.

“Gamay lang ni siya nga award, wala ni siya’y monetary value pero moral value dako ni kaayo. In the future, when you apply for positions, you can actually use this as part of your PDS… mao ni ang testamento sainyohang maayong gawi, kontribusyon dinhi sa atoang Provincial Government ilalom sa administrasyon ni Kuya Gov Edwin I. Jubahib”, sulti ni PENRO Department Head Dr. Romulo D. Tagalo.

Mipaambit sab sa iyang pasalamat si PSWDO Assistant Department Head Jeffrey R. Calamongay sa mga empleyadong misabay nila sa pagtunol og relief goods sa mga apektado sa Surigao City ug Siargao Island.

“Tanan ta nagcontribute for the success sa atong different programs sa atong mga responsibilities diri sa Capitol… I’d like also to recognize kadtong mga uban namong mga kauban nga naging successful ang amoang pagturn-over sa among relief operation… I hope na dili lang kani ang atong sumbanan nga maningkamot ta nga manarbaho, para ma meet nato ang atong mga targets ug maging successful ang atong pag-implement sa program sa atoang Provincial Governor”, matud ni Calamongay.

Samtang gipasalamatan sab ni Acting Provincial Treasurer Evelyn G. Espra ang mga mitampo sa pagkolekta sa Revenue Generation Program.

“We would like to thank you all, especially kaning atong mga gitagaa’g award, mao ni sila ang mga naka achieve og more than 100% collection efficiency sainyohang target for 2021. So, sa atong nahibaw-an, 98% ta sa 2021, kay 2020 gamay ra gyud kaayo ta’g collection. Salamat kaayo kaninyong tanan… So, we are looking forward nga karon na year 2022, nagkadako na gyud atoang target, we will really exert our efforts para matabangan nato ang pundo sa probinsya sa Davao del Norte”, saysay ni Espra.

Ang GAA usa ka inisyatibo sa PHRMO-Davao del Norte base sa mga programa, polisiya, memorandum circulars, ug uban pang mandato gikan sa Civil Service Commission (CSC), nga nagahatag ug hinanaling pag-ila sa mga opisyal ug empleyado sa gobyerno nga nagpakita og paspas, matinahuron, episyente, ug matinud-anon nga serbisyo publiko.

Writer: Gwyn Kelly O. Lobitos

#GantimapalaAgadAward
#OneDavNorOneTeam
#DavaoDelNorte