IGACOS, DavNor--PINAAGI sa Oplan TApok sa BArangay Alang sa Nanginahanglan ug Galisod (Oplan TABANG) giseguro ni Gobernador Edwin “kuya Gov” Jubahib nga mapaduol ang KUYA GOB development agenda, ang sumbanan sa probinsyal administrasyon sa pagpalambo sa Davao del Norte.

Sa pagkabutang sa probinsya ilawom sa COVID-19 Alert Level 2, gibalik dayon ni “Kuya Gov” ang daghan, klase-klaseng serbisyo human kini nahunong gumikan sa pandemya. Ang mga medical, dental, legal, veterinary ug sosyal nga mga serbisyo gihatod sa Oplan TABANG 2022 RESBAKUNA+ sama sa libreng tsek-ap, libreng tambal, RESBAKUNA, ibot sa ngipon, minor operations sama sa tuli, panghatag og wheelchairs, walking canes, tsinelas, anti-rabies vaccination, deworming, pagpanghatag og seedlings, fertilizers ug uban pa.

“Mao ni ang Oplan TABANG under sa KUYA GOB development agenda tungod kay nakita nato nga dako’g tabang para sa inyoha. . . nga dili namo moadto sa Kapitolyo o mga agency aron magpatambal o mangayo’g tabang. Ang atong gihimo nga ang gobyerno mao na’y moanhi sa inyong tugkaran para maghatod og serbisyo. Nga ang atong panggobyerno duol sa katawhan ug dili palisdan ang katawhan. Mao ni ang purpose sa atong Oplan TABANG nga ang serbisyo-de-gobyerno mao nay moanhi sa inyohang tugkaran para motubag sa inyong panginahanglan,” matod ni Gobernador Jubahib atubangan sa mga residente sa Babak District, IGACOS.

Ang KUYA GOB nagkahulogan: K-Knowledge, Management, Education & Sports; U-Universal Health & Services; Y-Yield Growth in Agriculture and Environmental Sustainability; A-Adequate Infrastructure & Facilities; G-Greater Livelihood and Income Opportunities; O-Operational Peace & Development; ug, B-Broad-base Economic Growth & Investment.

Ubos sa K-Knowledge, Management, Education & Sports agenda, 35 IGACOS provincial scholars ang nakadawat P6,000 cash allowances atol sa Oplan.

“Kani nga scholarship dako kaayo’g tabang sa parehas namong mga estudyante samot na karon nga pandemya ug salamat kaayo kang Sir Jubahib nga nag-implementar ani nga programa. . . I-enganyo nako ang mga estudyante nga sama nako nga padayon moeskuyla ug mo-apply sa gi-implement nga scholarship program ni Sir Jubahib,” matod ni Stephie May Cartagena nga nagtungha sa UM- Peñaplata ug 2nd year sa kursong BSBA Financial Management.

“Ang Provincial Scholarship ni Governor is nindot gyod nga program; makatabang gyod sa akoa nga gikan sa broken family nga nanginahanglan og cash assistance para makapadayon ko sa pag-eskuyla,” matod ni Errol Justine Durias, usa nga nakadawat og P6,000 nga nagtungha sa Bachelor of Science in Public Administration sa Samal Island City College.

“Dako kaayo’g ikatabang sa akoa as a student; pamasahe, akoang bayronon sa photocopy,” ingon ni Freddie S. Arcilla III nga nagtungha sa Bachelor of Science in Agri-business.

Ang ubang provincial scholars nagtug-an nga sa ilang nadawat allowance, hatagan sab nila ang ilang ginikanan aron makapalit bugas ug ubang kinahanglanon sa balay.

“Dire ninyo makita nga ang atong gobyerno sa Davao del Norte, nga ang katuyoan mao gyod ang paghatod og serbisyo sa katawhan. Of course kining atong Oplan TABANG gisuportahan sa atong City Mayor Al David Uy ug pasalamat pod ko sa DepEd labina sa atong principal nga gipagamit ta sa school facilities,” mensahe-pasalamat ni Kuya Gov.

Sa ginatos nga nagtapok sa Oplan TABANG, apil nga nakabenepisyo ang 65-anyos Antonio Podador nga kaduha na nagbalik aron magbaligya og ice buko.

“Kusog-kusog gyod ron kay ikaduhang balik na man nako na. . . Makaganansya man ko og. . . kuan pa mga 500 pa,” matod ni Podador.

**********************************///

Provincial Administrator Engr. Josie Jean Rabanoz with 35 IGACOS Provincial Scholars 

Receiving school allowance 

PA Rabanoz personally handing the school allowance 

Giving Wheel chairs 

Libreng gupit 

photo ops uban sa bag-ong gituli 

 

DavNor News

nainggo