Nagpadayon karong adlawa, Marso 15, ang Oplan TABANG sa Cambanogoy Elementary School, Cambanogoy, Asuncion aron sa paghatud sa nagkalain-laing serbisyo alang sa katawhan niining dapita.

Mao na ni ang ika-napulo'g duha ka hugna ug ikalimang lungsod nga gibisita sa Probinsyal nga Panggamhanan sa Davao del Norte kuyog ang pipila ka NGOs nga miabaga sa maong operasyon.

Sa gihapon, nanguna sa mga gilinyahang serbisyo ang medical checkup, gipanghatag nga tambal ug vitamins. Gisundan sa libreng tuli ug minor operations, libreng gupit, tsinelas ug x-ray examination.

Anaa sab ang libreng pahimo'g affidavit of late registration of birth ug clerical correction sa birth certificate, libreng eye checkup ug reading eyeglasses, libreng checkup, vitamins ug anti-rabies alang sa mga binuhing hayop, libreng binhi sa gulay, fertilizer ug libreng tree seedlings.

Lipay kaayo ang mga residente tungod kay gawas sa libreng serbisyo ug produkto nalingaw usab sila sa sonata sa One DavNor One Team band samtang gibusog sa libreng lugaw nga gidalit sa United Leaders Advocators (UNLAD Kabataan), usa ka Non-Government Organization.

Nalingaw sab sila tungod sa bibo kaayong padula nga gipasiugda sa PICKMO diin gipanghatag ang mga payong ug radyo alang sa mga abtik nga mananaug.

Sa kadtong wala pa nakapabakuna, gidala pud sa Oplan TABANG ang resbakuna+, lakip na ang pagpahimo'g qr code.

Atangi ang kompletong istorya sa One DavNor Newsflash.

 

 

 

 

 

 

 

 

 

 

 

 

 

DavNor News

nainggo