SA pagbalik sa DavNor PHO RESBAKUNA, 136 na ka bata, batan-on ug mga hamtong ang nabakunahan hangtod alas 2 sa hapon Huwebes, Abril 7, 2022 diha sa DavNor Gym, Capitol Sports Complex.

Kahinumduman nga sobra isa ka bulan nga nagtuyok-tuyok ang PHO RESBAKUNA team alang sa Oplan TABANG Kapitolyo aron ipaduol sa mga barangay ang ubang serbisyo panglawas.

Lakip sa gibakunahan ang mga bata nag-edad 5-11 anyos, 12-17 ingon man ang mga hamtong alang sa first, second ug booster shots nga ang matag Huwebes ug Byernes nga RESBAKUNA mohangtod lang alas 3:00 sa hapon.

Tinguha gayod sa administrasyon ni Gobernador Edwin “Kuya Gov” Jubahib nga maabot na ang “herd immunity” o bisan moubos ang “Alert Level” sa probinsya aron mas moluag pa ang pagtuyok sa ekonomiya.

Hangtod Abril 15, ang Davao del Norte gipailawom gihapon sa Alert Level 2. Ugma Byernes magpadayon ang RESBAKUNA ug “mopahulay” alang sa holidays dayon mobalik pagka sunod Huwebes ug Byernes (Abril 21, 22) sa paghatod serbisyo ngadto ni bisan kinsa nga gustong magpabakuna.

 

 

 

 

 

DavNor News

nainggo