Tibuok probinsya sa Davao del Norte ang nagsadya sa pagsaulog sa ika-48 nga adlaw’ng natawhan ni Gov. Edwin “Kuya Gov” Jubahib niadtong Abril 27, ning kasamtangang tuig.

Sayo sa kabuntagon, tam-is nga pahiyom ang gisugat ni Kuya Gob sa iyang pamilya, mga higala, pipila ka mga opisyales sa probinsya ug mga personahe sa kapitolyo sa dihang midalit sila ug mañanita sa gobernador. Wala sab niya sipyata ang pagpahigayon og espesyal nga misa sa DavNor gym nga gidumalahan ni Bishop Emeritus of Tagum City Diocese Wilfredo Manlapaz.

Gikan pamahaw, paniudto ngadto na’s panihapon, nagpaandam ang gobernador og Fellowship Feast alang sa tanang bisita aron moambit sa iyang adlaw’ng natawhan. Pipila sa mipadayag sa ilang suporta ug gugma alang sa celebrant pinaagi sa ilang presensya mao ang mga opisyales sa nagkalain-laing lungsod sa probinsya, gilangkoban sa mga kasamtangan ug umalabot nga board members, mayors, vice-mayors ug mga konsehales. Gipang-apud-apod sab ang mga packed lunch gawas sa kapitolio alang sa mga nanglabay nga mga lundsuranon gikan alas onse sa buntag.

Wala damha ni Kuya Gob nga nag-andam ug pinasahi nga video message ang katawhan sa probinsya gikan sa nagkalain-laing sektor sa komunidad ug mga opisina sa kapitolyo sa Davao del Norte. Nahimo kining highlight sa maong okasyon butang nga iyang gikalipay ug gidawat isip makahuluganong inspirasyon.

“Sa katawhan sa probinsya sa Davao del Norte, daghan kaayong salamat sa inyong makanunayong suporta sa atong administrasyon nga nagmalampuson ta sa atong 1st term. Nasayod ko nga kung wala ang inyong suporta ug suporta sa tanang elected officials—Mayors down to barangay levels, labi na sa katawhan; sa padayon sab nga pag-ampo sa atong mga pari ug uban pang religious groups nga atong probinsya makabaton ug kahapsay, kalinaw ug progresibo nga probinsya luyo sa pakiglaban nato sa pandemic nga atong nasinati… Kini tanan nga kalampusan sa atong administrasyon dili nako mahimo kung wala mong tanan… Busa, daghan kaayong salamat…” saysay niya.

Saad sa gobernador sa iyang ginsakopan nga magpabilin siyang dali maduolan ug matinud-anong Kuya ng Masa bisan pa man sa padayong pag-uswag sa iyang edad.

#OneDavNorOneTeam
#DavaodelNorte
#KuyaGob

 

 

 

 

 

 

 

 

 

DavNor News

nainggo