Malipayong nanagtapok ug nakighimamat ang kapin 55 ka iskolars sa Australian Agency for International Development (AusAID) o ang mga Australian Global Alumni sa Mindanao sa probinsya sa Davao del Norte, niadtong Abril 28, ning tuiga.

Ang unang hugna sa maong panagtapok gisugdan pinaagi sa knowledge sharing nga ang tumong mao ang pagkat-on sa labing maayo nga mga buhat ug kalampusan sa usa ka probinsya pinaagi sa tabang o inisyatibo sa mga Australian Global Alumni sulod sa usa ka probinsya.

Ang nasampit na knowledge sharing gi tambungan sa mga alumni sulod sa Provincial Governor’s Office conference room sa Davao del Norte, ug sa pipila ka mga alumni gikan sa lain-laing lugar sa nasod nga mi tambong pinaagi ug Zoom meeting. Apil sa mitambong sa Zoom meeting sila Miguel Roberto Borromeo, Senior Program Officer sa Australian Embassy sa Pilipinas ug si Millalin Javellana, and Program Director sa Australia Awards Philippines.

Gisaysay ni Mackie Macalipes, Market Supervisor IV sa City Government of Davao, ug iskolar sa AusAID, kung unsa ang tumong sa pag bisita sa Australia Global Alumni sa DavNor.

“One of our tasks karon muadto jud sa mga community, motabang, and at the same time katong ganihang buntag nato na activity katong knowledge sharing so we are learning best practices sa mga gipang buhat pud sa atong mga Australian educated na mga individuals. And then, kani among gina tan-aw jud na every month na mao lagi to among gina tan-aw na every month among activity para magkatapok mi at the same time amo pod nga mahisgutan unsa pa’y mamaayo na pagabuhaton sa atoang nasod as changed agent…” sulti niya.

Human sa produktibong diskusyon ug knowledge sharing, ming biyahe ang tanan padulong sa ikaduhang hugna sa aktibidades mao ang tree planting activity ug ang community outreach sa Sitio Lambid, Sto. Niño, Talaingod Davao del Norte.

Bisan pa sa pagbunok sa ulan, gipadayon sa grupo ang pagpananom ug 200 ka seedlings sa Sitio Lambid ug Melako, lungsod sa Talaingod, samtang ang ubang mga iskolar nagpahitabo ug storytelling activity sa 100 ka mga bata nga gipangulohan sa mga alumni gikan sa Davao Region ug Agusan del Sur. Dungan niini, gihimo ang feeding program nga gisalmutan sa mga bata ug ilang pamilya sa Tribu Ata-Manobo.

Kahinumduman na ang probinsyal na panggamhanan sa Davao del Norte nakapadala na ug 25 ka mga empleyado sa kapitolyo para nga mo eskwela alang sa lainlaing masters ug diploma courses sa nasud Australia.

 

 

 

 

 

 

 

 

 

DavNor News

nainggo