Dako og kontribusyon ang mga Micro, Small and Medium Enterprises (MSMEs) sa padayong pag-uswag sa probinsya maong atol sa gipahigayong selebrasyon sa MSME Week 2022, gipangunahan sa Department of Trade and Industry (DTI) - Rehiyon XI, Probinsyal nga Panggamhanan sa Davao del Norte ug uban pang pribadong stakeholders ang pagpasidungog sa mga lokal nga entrepreneurs sa ilang paningkamot taliwala sa Covid-19 pandemya dungan sa pag-endorso sab sa mga lokal nga produkto ug serbisyo sa probinsya.

Sulod sa duha ka tuig nga kadaut dala sa Covid-19, walay paglubad ang gipakitang suporta sa Department of Trade and Industry (DTI) Rehiyon - XI ug Probinsyal nga Panggamhanan sa Davao del Norte ubos sa liderato ni Gobernador Edwin “Kuya Gov” Jubahib, ngadto sa mga MSMEs aron mahimo silang lig-on sa pagsagubang sa mga kalisud.

Gani ang tema sa selebrasyon karong tuiga mao ang "RISE MSMEs in the Digital Economy" nagtumong nga dasigon ang mga lokal nga entrepreneurs nga mahimong innovative (makabag-o), resilient (lig-on) ug sustainable (malungtaron).

Sa mensahe ni Kuya Gov pinaagi kang Archt. Leomel Puerto atol sa opening ceremony, iyang gipaabot ang walay puas nga suporta ngadto sa mga MSMEs ug sa iyang ikaduhang termino isip Gobernador sa Davao del Norte, iyang hataga'g dakong pagtagad ang mga gagmay ug lokal nga negosyo aron tabangan sila makabangon ug mabalik ang kalagsik sa ekonomikong aspeto sa probinsya pinaagi sa mas gipalapdang KUYA GOB NG MASA development agenda.

“𝘐𝘵 𝘪𝘴 𝘸𝘪𝘵𝘩 𝘨𝘳𝘦𝘢𝘵 𝘳𝘦𝘴𝘰𝘭𝘷𝘦 𝘵𝘩𝘢𝘵 𝘪𝘯 𝘰𝘶𝘳 𝘤𝘦𝘭𝘦𝘣𝘳𝘢𝘵𝘪𝘰𝘯 𝘰𝘧 𝘵𝘩𝘦 𝘔𝘚𝘔𝘌𝘴 𝘸𝘦𝘦𝘬 𝘐 𝘳𝘦-𝘢𝘧𝘧𝘪𝘳𝘮 𝘮𝘺 𝘴𝘶𝘱𝘱𝘰𝘳𝘵 𝘵𝘰 𝘰𝘶𝘳 𝘣𝘶𝘴𝘪𝘯𝘦𝘴𝘴 𝘤𝘰𝘮𝘮𝘶𝘯𝘪𝘵𝘺 𝘸𝘩𝘰 𝘢𝘳𝘦 𝘰𝘶𝘳 𝘵𝘰𝘱 𝘦𝘤𝘰𝘯𝘰𝘮𝘪𝘤 𝘥𝘦𝘷𝘦𝘭𝘰𝘱𝘮𝘦𝘯𝘵 𝘱𝘢𝘳𝘵𝘯𝘦𝘳𝘴 𝘪𝘯 𝘵𝘩𝘦 𝘱𝘳𝘰𝘷𝘪𝘯𝘤𝘦 𝘰𝘧 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦…𝘛𝘰𝘥𝘢𝘺, 𝘰𝘶𝘳 𝘔𝘚𝘔𝘌𝘴 𝘢𝘳𝘦 𝘵𝘩𝘦 𝘤𝘦𝘯𝘵𝘦𝘳 𝘰𝘧 𝘰𝘶𝘳 𝘨𝘰𝘷𝘦𝘳𝘯𝘮𝘦𝘯𝘵’𝘴 𝘢𝘵𝘵𝘦𝘯𝘵𝘪𝘰𝘯, 𝘪𝘯 𝘢𝘴 𝘮𝘶𝘤𝘩 𝘢𝘴 𝘰𝘶𝘳 𝘦𝘧𝘧𝘰𝘳𝘵𝘴 𝘵𝘰 𝘳𝘦𝘷𝘪𝘷𝘦 𝘵𝘩𝘦 𝘷𝘪𝘣𝘳𝘢𝘯𝘤𝘺 𝘰𝘧 𝘰𝘶𝘳 𝘱𝘳𝘰𝘷𝘪𝘯𝘤𝘦’𝘴 𝘦𝘤𝘰𝘯𝘰𝘮𝘪𝘤 𝘢𝘯𝘥 𝘯𝘦𝘸 𝘯𝘰𝘳𝘮𝘢𝘭 𝘦𝘯𝘷𝘪𝘳𝘰𝘯𝘮𝘦𝘯𝘵 𝘪𝘴 𝘤𝘰𝘯𝘤𝘦𝘳𝘯𝘦𝘥. 𝘕𝘰𝘸 𝘰𝘯 𝘮𝘺 𝘴𝘦𝘤𝘰𝘯𝘥 𝘵𝘦𝘳𝘮 𝘢𝘴 𝘨𝘰𝘷𝘦𝘳𝘯𝘰𝘳, 𝘸𝘦 𝘩𝘢𝘷𝘦 𝘦𝘹𝘱𝘢𝘯𝘥𝘦𝘥 𝘵𝘩𝘦 𝘣𝘳𝘢𝘯𝘥 𝘰𝘧 𝘰𝘶𝘳 𝘥𝘦𝘷𝘦𝘭𝘰𝘱𝘮𝘦𝘯𝘵 𝘢𝘨𝘦𝘯𝘥𝘢 𝘵𝘰 𝘪𝘯𝘤𝘭𝘶𝘥𝘦 𝘮𝘰𝘳𝘦 𝘤𝘰𝘮𝘱𝘰𝘯𝘦𝘯𝘵𝘴 𝘵𝘰 𝘴𝘶𝘱𝘱𝘰𝘳𝘵 𝘰𝘶𝘳 𝘦𝘹𝘪𝘴𝘵𝘪𝘯𝘨 𝘮𝘦𝘤𝘩𝘢𝘯𝘪𝘴𝘮 𝘧𝘰𝘳 𝘣𝘳𝘰𝘢𝘥-𝘣𝘢𝘴𝘦𝘥 𝘦𝘤𝘰𝘯𝘰𝘮𝘪𝘤 𝘨𝘳𝘰𝘸𝘵𝘩 𝘢𝘯𝘥 𝘪𝘯𝘷𝘦𝘴𝘵𝘮𝘦𝘯𝘵 𝘪𝘯 𝘵𝘩𝘦 𝘱𝘳𝘰𝘷𝘪𝘯𝘤𝘦,” pagsaysay ni Archt. Puerto sa mensahe ni Kuya Gov.

Dungan sa MSME Week 2022 ang pag-abli sa MSME Trade Fair sa Activity Area sa East Wing Annex sa Gaisano Mall of Tagum, diin giimbitahan ug gi-awhag ni DTI - XI Regional Director Maria Belenda Q. Ambi ang mga katawhan sa Davao del Norte sa pagbisita.