Gipasidunggan ni Gobernador Edwin “Kuya Gov” Jubahib ang 101 nga mga empleyado sa Provincial Agriculturist Office pinaagi sa Gantimpala Agad Award Certificate ug token nga gitunol kanila pinaagi sa Provincial Human Resource Management Office niadtong Agosto 15, 2022.

Kini agi’g pag-ila sa gobernador sa ilang kontribusyon ug kakugi isip kabahin sa kalamposan sa Kadagayaan Festival 2022 atol sa ika-55 Araw ng Davao del Norte.

Sumala ni PHRMO Assistant Mila Laureno, ang maong award maghatag og inspirasyon sa mga kawani ug makapatukpaw sa ilang mga moral aron mas mokugi pa sa pagpanarbaho.

Samtang si PAGRO Head Jose Andamon nagpasalamat kang Kuya Gov sa pag-ila niini sa ilang paningkamot.

"Ang tanang preparasyon sa onse ka LGU's on time gyud. Mao toy first time pod bitaw nako na-witness, na-experience nga activity nga han-ay kaayo gikan pagsugod hangtod nga nahuman. So, kana nga credit akong gyud nang ihatag sa akong mga ginsakopan nga nagtinabangay gyud ang pamilya sa PAGRO. So, usbon nako daghan kaayong pasalamat sa appreciation ug pasidungog nga gihatag ni Kuya Gov. Edwin Jubahib pinaagi sa atong H.R.," pagsaysay ni PAGRO Head Andamon.

Writer: Lorna Tripoli