Subay sa mga paningkamot batok sa insurhensya, wala nagpaulahi ang Naval Forces Eastern Mindanao (NFEM) pinaagi sa Civil Military Operations Unit – Eastern Mindanao (CMOU-EM) sa Medical Outreach Program nga gidalit sa Barangay Madaum, Tagum City niadtong Agosto 13, 2022.

Ang nasangpit nga aktibidad kabahin sa Preventing and Countering Radicalization and Violent Extremism (PCRVE) nga programa sa Philippine Navy isip pagsuporta sa Executive Order No. 70: “Whole of Nation Approach”, nga nagtumong sa pagpaduol sa libreng serbisyong medikal ngadto sa mga residenteng anaa sa dapit nga bulnerable sa rebeldeng kalihokan, ug aron malikayan ang posibleng insurgent recruitment.

“‘𝘠𝘶𝘯 𝘢𝘯𝘨 𝘢𝘵𝘪𝘯𝘨 𝘦𝘧𝘧𝘰𝘳𝘵 𝘯𝘢 𝘮𝘢-𝘱𝘳𝘦𝘷𝘦𝘯𝘵 𝘯𝘢𝘵𝘪𝘯 𝘺𝘶𝘯𝘨 𝘮𝘨𝘢 𝘱𝘰𝘴𝘴𝘪𝘣𝘭𝘦 𝘳𝘦𝘤𝘳𝘶𝘪𝘵𝘮𝘦𝘯𝘵𝘴… 𝘐𝘯 𝘵𝘩𝘢𝘵 𝘤𝘢𝘴𝘦… 𝘯𝘢𝘨𝘣𝘪𝘣𝘪𝘨𝘢𝘺 𝘵𝘢𝘺𝘰 𝘯𝘨 𝘮𝘨𝘢 𝘴𝘰𝘤𝘪𝘰-𝘦𝘤𝘰𝘯𝘰𝘮𝘪𝘤 𝘴𝘦𝘳𝘷𝘪𝘤𝘦𝘴 𝘬𝘢𝘨𝘢𝘺𝘢 𝘯𝘪𝘵𝘰𝘯𝘨 𝘮𝘦𝘥𝘪𝘤𝘢𝘭 𝘰𝘶𝘵𝘳𝘦𝘢𝘤𝘩 𝘱𝘳𝘰𝘨𝘳𝘢𝘮 𝘸𝘩𝘪𝘤𝘩 𝘪𝘴 𝘮𝘢𝘭𝘢𝘬𝘪𝘯𝘨 𝘵𝘶𝘭𝘰𝘯𝘨 𝘴𝘢 𝘉𝘢𝘳𝘢𝘯𝘨𝘢𝘺 𝘔𝘢𝘥𝘢𝘶𝘮 𝘯𝘢 𝘢𝘭𝘢𝘮 𝘯𝘢𝘮𝘢𝘯 𝘯𝘢𝘵𝘪𝘯 𝘯𝘢 𝘵𝘸𝘰 𝘺𝘦𝘢𝘳𝘴 𝘯𝘢 𝘸𝘢𝘭𝘢𝘯𝘨 𝘮𝘦𝘥𝘪𝘤𝘢𝘭 𝘮𝘪𝘴𝘴𝘪𝘰𝘯 𝘣𝘦𝘤𝘢𝘶𝘴𝘦 𝘰𝘧 𝘵𝘩𝘦 𝘱𝘢𝘯𝘥𝘦𝘮𝘪𝘤,” pasabot ni Lt. Cdr Raymund S. Salcedo, Commanding Officer sa NFEM-ES.

Miabot sa 787 ka mga molupyo sa Barangay Madaum ang nakabenepisyo sa lain-laing serbisyo medikal sa maong programa, diin 114 nakadawat sa libreng medical check-up, 110 ang nakapaibot og ngipon, 213 sa libreng tuli, 170 ka tawo ang nakapahimulos sa feeding program, ug 150 ang nipaubos sa eye check-up nga duna sab gipanghatag nga libreng reading glasses.

Una niining medical outreach program, nagpahigayon na ang NFEM ug lain pang nagkadaiyang mga social services sa Barangay Madaum sama sa Fisherfolk Engagement Forum, Community Livelihood Training Program alang sa kababayen-an, ug Bantay Dagat Training, subay gihapon sa ilang 2-month long activity nga PCRVE.

Samtang, hingpit ang suporta sa Probinsyal nga Panggamhanan sa Davao del Norte alang sa maong inisyatibo sa Hukbong Dagat sanglit nahiuyon ang ilang tinguha nga tapuson ang problema sa insurhensya.

Gani, kahinumdoman nga ang mahinungdanong mga interbensyon ni Gobernador Edwin “Kuya Gov” Jubahib mao ang nakapalingkawas sa Davao del Norte gikan sa kamot sa mga rebeldeng komunista, hinungdan nga gideklara ang Probinsya nga “Insurgency-Free and Ready for Further Development” niadtong Hunyo 2022.

Writer: Gwyn Kelly O. Lobitos

 

 

 

DavNor News

nainggo