Isip pagpanalipod sa mga kabatan-onan sa Barangay Madaum batok sa ilegal nga pagpangrekrut sa rebeldeng kalihokan ug pahatag og dugang kaalam mahitungod sa kalamboan ug kalinaw sa probinsyasaDavao del Norte, giorganisa sa Naval Forces Eastern Mindanao (NFEM) pinaagi sa Civil Military Operations Unit – Eastern Mindanao (CMOU-EM)ang tulo (3) ka adlaw nga Youth Leadership Summit sa Barangay Madaum, Tagum City, niadtong Agosto 19 hantud 21, 2022.

Ang Philippine Navy, sa pakigtambayayong sa Youth for Peace Movement - Tagum Chapter, maoy nagpasiugda sa summit. 28 ka mga batan-on ang misalmot nga mga residente ra pud sa nasangpit nga barangay.

Sa maong summit, ubay-ubay nga mga activities ang gipahigayon sama sa serye sa mga lektura, tree planting, team building, guidon making competition, essay writing, song writing, extemporaneous speaking, ug poster slogan. Highlight sa event ang social night diin nahatagan og higayon ang mga partisipante nga mapasundayag ang ilang nagkadaiyang talento.

Matud niLt. Cdr Raymund S. Salcedo, Commanding Officer sa NFEM-ES, nga buot nilang mamahimong mabungahon ang kinabuhi sa mga batan-on pinaagi sa paglambigit sa mga kalihokan sa komunidad sama sa ilang gilunsad nga YLS.

“Dito sa YLS na ‘to for 3 days, is series of activities, lectures. And usually, yung ating men in uniform makapagbigay tayo ng info drive regarding sa codes of security, and the PN reservists. And also, yung sa knowing the enemy about the legal cons na ma-avoid natin sila against the illegal recruitment kasi kailangan natin sila mai-buildup, ma-empower yong kanilang focus as mga kabataan dito sa Barangay Madaum,” saysay ni Salcedo, usa sa resource speaker sa summit.

Tinguha sa nasangpit nga kalihokan nga mapalambo ang pagbati sa mga batan-on sa ilang responsibilidad sa pagtukod sa kalinaw ug seguridad sa nasud, butang nga nahisubay sab sa KUYA GOB NG MASA Development Agenda ni Gobernador Edwin Jubahib, ubos sa letrang O, ang Operational Peace and Development.

Writer: Ejay Capoy