Liboan ka mga miyembro ug opisyales sa nagkadaiyang kooperatiba dinhi sa probinsya ang misalmot sa gipahigayong opening salvo sa Provincial Cooperative Month Celebration, sa Panabo Multi-Purpose Tourism, Cultural, and Sports Gymnasium, Panabo City niadtong Oktubre 2, 2022.

Gisugdan ang maong programa pinaagi sa usa ka Santos nga Misa ug motorcade subay sa nag-unang kadalanan sa siyudad.

Sumala ni Board Member Emmanuel G. Pamisaran, Chairperson sa Committee on Cooperatives sa Sangguniang Panlalawigan, nga ang selebrasyon usa ka manipestasyon sa dakong pagsalig aron mapalig-on ang hut-ong sa kooperatiba. Nagpaabot sab kini sa iyang pasalamat kang Governor Edwin “Kuya Gov” Jubahib, gumikan sa pag-aproba sa ordinansa nga nagahatag kaayohan sa mga kooperatiba.

“Sa dihang nakita nako ang ordinansa mahitungod sa cooperative development council, ako kining gi-review, giduso ang maong amendment. Sa pagkakaron, ato nang na-revise. It was approved and signed no less than the good Governor, nga atong gipakusgan ang Provincial Cooperative Council. Highlights sa maong provision sa maong balaod nga naghatag ta pag-increase sa allocation budget from P150,000.00 to P 1,000,000.00. So atong pasalamatan ang atong Governor niana,” sigon sa gobernador.

Sa mensahe ni Kuya Gov, pinaagi sa iyang Executive Assistant, niingon nga ang kasaulogan naghatag og dakong oportonidad aron mapalawman pa ang pakig-alayon alang sa kalamboan sa probinsya.

“We continue to push for the capacity of our cooperatives, through providing capability building, financial assistance, and other technical support services to increase their absorptive capacity, so they can become self-reliant,” mensaheng gihatud ni Executive Assistant Wowee de Ramos.

Nagpadangat sab sa ilang mensahe si 1st District Congressman Pantaleon D. Alvarez ug 2nd District Congressman Allan R. Dujali, pinaagi sa ilang representante.

Niduyog sab sa maong kalihokan si Cooperative Regional Director Ruben L. Cunanan, nga nagkanayong prayoridad sa ilang ahensiya nga pakusgan ang pagtabang sa mga gagmayng kooperatiba.

 “To strengthen and develop our micro and small cooperative, lalong lalo na po sa mga capability and capacity training programs for them. As a matter of fact, there was already a new m.c. issued by the head office to include small cooperatives in our free training to be conducted in the future,” satud ni RD Cunanan.

Sumala ni Humber Cabunoc ang Provincial Cooperative Development Division Head, nga daghang activity ang ilang giandam alang sa usa ka bulang selebrasyon.

“Sa cooperative tree growing pagahitaboon nato karong October 4, didto sa New Corella naa tay upland tree growing. Then October 6, aduna kitay mangrove tree growing didto sa Island Garden City of Samal. Then on October 11 ug October 14, we will be having a cooperative symposium didto kini pagahitaboon sa Distrito Uno sa Kapalong ug sa Distrito Dos sa Sto. Tomas. Then on October 18, aduna kitay pagahitaboon nga webinar on Digital Financial Solution and E-Commerce this is in coordination with the PICPA Davnor Chapter. And on October 19 and 21, we will be having a launching on cooperative projects and enterprises in coordination with the Davao del Norte credit surety cooperative,” pagsaysay ni Cabunoc.

Sa laing bahin, anaa na karon sa 2nd Reading sa Sangguniang Panlalawigan ang ordinansa nga maghatag og cash loan sa mga kooperatiba nga mokantidad sa P150,000.00.

Writer: Nestor Mata, Jr.
 

DavNor News