Sa tinguha nga mahataga’g kasulbaran ang nagkadaiyang isyu nga ginaatubang sa mga kabatan-onan sa Davao del Norte, gisugdan na sa DavNor Teen Tambayan Hub ang mga nag-unang lakang niini ilabi na sa pagpanghatag og dugang kaalam sa mga kabatan-onan kabahin sa mga hilisgutanan sama sa adolescence, sexuality, ug reproductive health.

Nagpahigayon og room-to-room advocacy lecture inubanan sa mga bibo nga mga aktibidad ang maong grupo alang sa mga Senior High School students sa Tagum City National Comprehensive High School nga maoy nagsilbing pilot beneficiary school sa programang Healthy Young Ones sa Davao del Norte.

Ang Healthy Young Ones, usa ka programa sa Department of Health nga mas gipakusgan sa Provincial Health Office sa tumong nga ma-edukar ang mga kabatan-onan.

Lakip niini nga materyal ang sekswal ug reproductive health nga naghatag oportunidad aron sila makigsulti sa mga healthcare providers mahitungod sa Puberty, Male and Female Reproductive System, Menstrual Cycle, Gender and Health (SOGIE), Reproduction and Responsibility, Sexually Transmitted Infections (STI’s), Human Immunodeficiency Virus (HIV), ug Acquired Immune Deficiency Syndrome (AIDS).

Sumala ni Carol Sanico, Adolescent Health and Youth Development Program Coordinator sa PHO, ilang nakita nga ang teenage pregnancy maoy pinakamakaalarmang isyu nga ginaatubang sa mga kabatan-onang Dabaonon sa kasamtangan panahon.

“𝘕𝘢𝘴𝘢𝘺𝘰𝘥 𝘮𝘢𝘯 𝘵𝘢 𝘯𝘢 𝘯𝘢𝘨𝘢𝘵𝘢𝘢𝘴 𝘢𝘯𝘨 𝘬𝘢𝘴𝘰 𝘴𝘢 𝘵𝘦𝘦𝘯𝘢𝘨𝘦 𝘱𝘳𝘦𝘨𝘯𝘢𝘯𝘤𝘺 𝘬𝘢𝘳𝘰𝘯 𝘥𝘪𝘳𝘪 𝘴𝘢 𝘢𝘵𝘰𝘯𝘨 𝘱𝘳𝘰𝘣𝘪𝘯𝘴𝘺𝘢. 𝘚𝘰, 𝘪𝘴𝘢 𝘯𝘪 𝘴𝘪𝘺𝘢 𝘴𝘢 𝘢𝘮𝘰𝘯𝘨 𝘭𝘢𝘬𝘢𝘯𝘨 𝘴𝘢 𝘗𝘳𝘰𝘷𝘪𝘯𝘤𝘪𝘢𝘭 𝘏𝘦𝘢𝘭𝘵𝘩 𝘖𝘧𝘧𝘪𝘤𝘦 𝘯𝘢 𝘯𝘢𝘨-𝘤𝘰𝘯𝘥𝘶𝘤𝘵 𝘵𝘢 𝘰𝘨 𝘏𝘦𝘢𝘭𝘵𝘩𝘺 𝘠𝘰𝘶𝘯𝘨 𝘖𝘯𝘦𝘴 𝘳𝘰𝘰𝘮-𝘵𝘰-𝘳𝘰𝘰𝘮 𝘢𝘥𝘷𝘰𝘤𝘢𝘤𝘺,” sulti niya.

Usa sa mga peer facilitators sa naasoyng advocacy, si Christian Andacao, nagsaysay sa rason sa iyang pagkamadasigon sa pagtabang sa mga batan-on sulod sa probinsya.

“𝘕𝘢𝘬𝘪𝘵𝘢 𝘮𝘢𝘯 𝘨𝘺𝘶𝘥 𝘯𝘢𝘵𝘰 𝘯𝘢 𝘳𝘢𝘮𝘱𝘢𝘯𝘵 𝘮𝘢𝘯 𝘨𝘺𝘶𝘥 𝘬𝘢𝘢𝘺𝘰 𝘢𝘯𝘨 𝘪𝘴𝘴𝘶𝘦𝘴 𝘴𝘢 𝘬𝘢𝘣𝘢𝘵𝘢𝘯-𝘰𝘯𝘢𝘯 𝘥𝘪𝘳𝘪 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦 𝘦𝘴𝘱𝘦𝘤𝘪𝘢𝘭𝘭𝘺 𝘢𝘯𝘨 𝘮𝘦𝘯𝘵𝘢𝘭 𝘩𝘦𝘢𝘭𝘵𝘩 𝘪𝘴𝘴𝘶𝘦𝘴. 𝘚𝘰, 𝘵𝘩𝘢𝘵’𝘴 𝘸𝘩𝘺, 𝘥𝘪𝘩𝘢 𝘯𝘢𝘬𝘰 𝘯𝘢𝘬𝘪𝘵𝘢 𝘣𝘢 𝘯𝘢 𝘬𝘢𝘯𝘢 𝘨𝘢𝘯𝘪𝘯𝘨, 𝘪𝘧 𝘦𝘷𝘦𝘳 𝘸𝘢𝘭𝘢 𝘬𝘰𝘺 𝘣𝘶𝘩𝘢𝘵𝘰𝘯, 𝘬𝘪𝘯𝘴𝘢 𝘮𝘢𝘺 𝘮𝘰𝘴𝘶𝘨𝘰𝘥? 𝘒𝘪𝘯𝘴𝘢 𝘱𝘢𝘺 𝘮𝘰𝘵𝘢𝘣𝘢𝘯𝘨 𝘴𝘢 𝘪𝘭𝘢𝘩𝘢?” pagbutyag niya.

Gibutyag ni Sanico nga sinugdanan pa lamang kini sa daghan pang proyekto ug adbokasiya sa DavNor Teen Tambayan Hub, ug daghan pa ang mga angayng atangan sa maong buhatan.

“𝘚𝘰, 𝘬𝘢𝘯𝘪 𝘴𝘪𝘺𝘢, 𝘴𝘪𝘯𝘶𝘨𝘥𝘢𝘯𝘢𝘯 𝘱𝘢 𝘭𝘢𝘯𝘨 𝘨𝘺𝘶𝘥 𝘯𝘪. 𝘋𝘢𝘨𝘩𝘢𝘯 𝘱𝘢 𝘮𝘪’𝘨 𝘮𝘨𝘢 𝘧𝘶𝘵𝘶𝘳𝘦 𝘱𝘭𝘢𝘯𝘴 𝘱𝘢𝘳𝘢 𝘴𝘢 ‘𝘵𝘰𝘯𝘨 𝘮𝘨𝘢 𝘣𝘢𝘵𝘢𝘯-𝘰𝘯 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦. 𝘈𝘯𝘥 𝘥𝘢𝘨𝘩𝘢𝘯 𝘱𝘢’𝘨 𝘮𝘨𝘢 𝘢𝘥𝘷𝘰𝘤𝘢𝘤𝘺 𝘯𝘨𝘢 𝘮𝘰𝘢𝘣𝘰𝘵. 𝘈𝘯𝘨 𝘯𝘦𝘹𝘵 𝘯𝘢𝘮𝘰 𝘵𝘢𝘳𝘨𝘦𝘵 𝘪𝘴 𝘒𝘢𝘱𝘢𝘭𝘰𝘯𝘨 𝘢𝘯𝘥 𝘚𝘢𝘯 𝘐𝘴𝘪𝘥𝘳𝘰 𝘯𝘨𝘢 𝘳𝘰𝘰𝘮-𝘵𝘰-𝘳𝘰𝘰𝘮 𝘢𝘥𝘷𝘰𝘤𝘢𝘤𝘺 𝘴𝘢𝘮𝘢 𝘯𝘪𝘪𝘯𝘪 𝘱𝘶𝘥. 𝘈𝘯𝘥 𝘢𝘭𝘸𝘢𝘺𝘴 𝘱𝘶𝘥 𝘰𝘱𝘦𝘯 𝘮𝘢𝘯 𝘢𝘯𝘨 𝘢𝘵𝘰𝘯𝘨 𝘋𝘢𝘷𝘕𝘰𝘳 𝘛𝘦𝘦𝘯 𝘛𝘢𝘮𝘣𝘢𝘺𝘢𝘯 𝘏𝘶𝘣, 𝘴𝘰 𝘥𝘪𝘩𝘢 𝘱𝘶𝘥 𝘯𝘢𝘨𝘢𝘩𝘢𝘵𝘢𝘨 𝘵𝘢 𝘰𝘨 𝘧𝘳𝘦𝘦 𝘴𝘦𝘳𝘷𝘪𝘤𝘦𝘴, 𝘩𝘦𝘢𝘭𝘵𝘩 𝘴𝘦𝘳𝘷𝘪𝘤𝘦𝘴 𝘴𝘢 𝘢𝘵𝘰𝘯𝘨 𝘮𝘨𝘢 𝘣𝘢𝘵𝘢𝘯-𝘰𝘯,” dugang ni Sanico.

Kahinumdoman nga gilusad sa PHO - Adolescent Health and Youth Development Program ang DavNor Teen Tambayan Hub, nga giilang pinakaunang Teen Tambayan Hub sa Rehiyon XI sa pakigtambayayong sa Philippine Commission on Population XI (POPCOM) niadtong Septyembre 12, 2022.

Sa tabang sa DavNor911, gilusad sab ang DavNor Teen Hopeline atol sa maong kalihokan nga gitambongan mismo ni Davao del Norte Governor Edwin “Kuya Gov” Jubahib ug Vice Governor De Carlo “Oyo” Uy.

Nanawagan ug giawhag sa maong buhatan ang mga batan-ong buot modulog kanila nga mobisita lamang sa DavNor Teen Tambayan Hub nga anaa nahimutang sa Door 6, sulod sa Davao del Norte Sports and Tourism Complex, Mankilam Tagum City.

Abli kini kada Lunes hantud Biyernes, gikan sa alas-8 sa buntag hangtud alas-5 sa hapon.

Mamahimo sab nga mo-contact sa DavNor Teen Hopeline:

Para sa mga Globe and TM subscribers with load, dial 𝟗𝟏𝟏 or 𝟎𝟗𝟗𝟕-𝟔𝟒𝟑-𝟑𝟕𝟑𝟔.

Para sa mga Globe and TM subscribers without load, dial 𝟏𝟏𝟐.

Ug para sa mga Smart and Talk ‘N Text subscribers dial: 𝟎𝟗𝟎𝟖-𝟖𝟏𝟑-𝟐𝟎𝟎𝟕 or 𝟎𝟗𝟏𝟐-𝟐𝟕𝟒-𝟖𝟗𝟑𝟏.

Writer: Ejay D. Capoy