Dili babag ang kakulangon sa panglawas aron makighalubilo ug makigtigi sa natad sa isports. Kini ang gipamatud-an sa Tagum Deaf Association Cup kansang mga players dunay depekto sa pandungog ug pag-istorya. Sa dulang basketball ug volleyball gipakita sa mga kalalakin-an ang ilang katakos dinhi sa Davao del Norte Sports & Tourism Complex ug Tagum Rotary Gym, niadtong Nobyembre 11-13, 2022.

Ang maong kalihokan nagbitbit sa temang " Our eyes are set to our goal". Mokabat sa dul-an usa ka gatos ang mga partisipante nga naggikan pa sa Mati, Davao Oriental, Davao de Oro ug Tagum City ‘ning probinsya.

"𝘞𝘦 𝘢𝘳𝘦 𝘩𝘢𝘱𝘱𝘺 𝘯𝘨𝘢 𝘢𝘯𝘨 𝘢𝘮𝘰𝘯𝘨 𝘨𝘪-𝘪𝘯𝘷𝘪𝘵𝘦 𝘯𝘨𝘢 𝘮𝘨𝘢 𝘱𝘢𝘳𝘵𝘪𝘤𝘪𝘱𝘢𝘯𝘵𝘴 𝘢𝘯𝘪𝘢 𝘨𝘺𝘶𝘥 𝘴𝘪𝘭𝘢 𝘬𝘢𝘳𝘰𝘯 𝘶𝘨 𝘢𝘮𝘰𝘢 𝘴𝘪𝘭𝘢𝘯𝘨 𝘨𝘪 𝘪𝘯-𝘩𝘰𝘶𝘴𝘦 𝘴𝘢 𝘐𝘮𝘦𝘭𝘥𝘢 𝘌𝘭𝘦𝘮𝘦𝘯𝘵𝘢𝘳𝘺 𝘚𝘤𝘩𝘰𝘰𝘭 𝘱𝘢𝘳𝘢 𝘴𝘢 𝘪𝘭𝘢𝘯𝘨 𝘢𝘤𝘤𝘰𝘮𝘮𝘰𝘥𝘢𝘵𝘪𝘰𝘯," sumala ni Jesus Tumabang, PDAO Officer.

Gipasalamatan sab ni Tumabang ang mga stakeholders, LGU Tagum ug mga opisyales sa probinsya sama ni Kuya Gov. Edwin I. Jubahib ug Congressman sa Unang Distrito Pantaleon Alvarez sa ilang suporta sa malampusong TDA Cup niining tuiga nga nagsilbing inspirasyon alang sa tanan.

Writer: Lorna P. Tripoli