Duha ka lungsod sa Davao del Norte ang gideklara isip drug cleared municipality, kini ang gibutyag ni PDEA Provincial Officer, Investigation Agent III Julius A. Magdadaro, atol sa gipahigayong 2nd Provincial Anti-Drug Abuse Congress and Awarding Ceremony subay sa Drug Abuse Prevention and Control Week Celebration, sa Molave Hotel, Tagum City niadtong Nobyembre 18, 2022.

Ang duha ka mga lungsod nga malampusong nasakmit ang titulo isip drug cleared municipality, mao ang lungsod sa Talaingod ug San Isidro.

Sumala ni Magdadaro, nga gideklara ang duha ka mga lungsod isip drug cleared municipality gumikan kay wala nay namatikdang presensya sa ilegal nga druga sa maong mga dapit. Mapasalamaton kini kang Governor Edwin Jubahib gumikan sa suporta sa ilang kampanya ilabi na sa operasyon batok ilegal nga druga.

“𝘎𝘦𝘯𝘦𝘳𝘢𝘭𝘭𝘺, 𝘤𝘰𝘯𝘵𝘳𝘰𝘭𝘭𝘢𝘣𝘭𝘦 𝘨𝘪𝘩𝘢𝘱𝘰𝘯 𝘢𝘯𝘨 𝘥𝘳𝘶𝘨 𝘴𝘪𝘵𝘶𝘢𝘵𝘪𝘰𝘯 𝘥𝘪𝘯𝘩𝘪 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦 𝘵𝘶𝘯𝘨𝘰𝘥 𝘬𝘢𝘺 𝘢𝘯𝘨 𝘮𝘨𝘢 𝘥𝘢𝘬𝘰𝘱 𝘥𝘪𝘯𝘩𝘪𝘢 𝘮𝘨𝘢 𝘴𝘵𝘳𝘦𝘦𝘵 𝘭𝘦𝘷𝘦𝘭 𝘱𝘶𝘴𝘩𝘦𝘳𝘴 𝘭𝘢𝘯𝘨. 𝘒𝘢𝘯𝘢 𝘴𝘪𝘺𝘢 𝘣𝘢𝘴𝘦 𝘴𝘢 𝘮𝘨𝘢 𝘢𝘯𝘵𝘪-𝘥𝘳𝘶𝘨𝘴 𝘰𝘱𝘦𝘳𝘢𝘵𝘪𝘰𝘯 𝘯𝘨𝘢 𝘢𝘵𝘰𝘯𝘨 𝘨𝘪𝘱𝘢𝘯𝘨𝘩𝘪𝘮𝘰 𝘴𝘢 𝘢𝘮𝘰𝘢𝘯𝘨 𝘢𝘩𝘦𝘯𝘴𝘪𝘺𝘢 𝘴𝘢 𝘗𝘋𝘌𝘈 𝘶𝘨 𝘴𝘢 𝘗𝘕𝘗 𝘶𝘨 𝘶𝘣𝘢𝘯 𝘱𝘢𝘯𝘨 𝘮𝘨𝘢 𝘭𝘢𝘸 𝘦𝘯𝘧𝘰𝘳𝘤𝘦𝘮𝘦𝘯𝘵 𝘶𝘯𝘪𝘵𝘴. 𝘚𝘰, 𝘬𝘢𝘮𝘪 𝘴𝘢 𝘗𝘋𝘌𝘈 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦 𝘥𝘢𝘬𝘰 𝘬𝘢𝘢𝘺𝘰 𝘢𝘯𝘨 𝘢𝘮𝘰𝘯𝘨 𝘱𝘢𝘴𝘢𝘭𝘢𝘮𝘢𝘵 𝘴𝘢 𝘢𝘵𝘰𝘢𝘯𝘨 𝘗𝘳𝘰𝘷𝘪𝘯𝘤𝘪𝘢𝘭 𝘓𝘎𝘜 𝘢𝘯𝘥 𝘢𝘭𝘴𝘰 𝘴𝘢 𝘦𝘪𝘨𝘩𝘵 𝘮𝘶𝘯𝘪𝘤𝘪𝘱𝘢𝘭𝘪𝘵𝘪𝘦𝘴 𝘶𝘨 𝘵𝘶𝘭𝘰 𝘬𝘢 𝘤𝘪𝘵𝘪𝘦𝘴 𝘬𝘢𝘺 𝘱𝘢𝘥𝘢𝘺𝘰𝘯 𝘨𝘪𝘩𝘢𝘱𝘰𝘯 𝘢𝘯𝘨 𝘪𝘭𝘢𝘯𝘨 𝘬𝘢𝘮𝘱𝘢𝘯𝘺𝘢 𝘣𝘢𝘵𝘰𝘬 𝘪𝘭𝘦𝘨𝘢𝘭 𝘯𝘨𝘢 𝘥𝘳𝘶𝘨𝘢. 𝘐𝘯 𝘧𝘢𝘤𝘵, 𝘯𝘢𝘨𝘩𝘪𝘯𝘢𝘺𝘩𝘪𝘯𝘢𝘺 𝘯𝘢’𝘨 𝘬𝘢 𝘥𝘦𝘤𝘭𝘢𝘳𝘦𝘥 𝘢𝘴 𝘥𝘳𝘶𝘨 𝘤𝘭𝘦𝘢𝘳 𝘢𝘯𝘨 𝘮𝘨𝘢 𝘣𝘢𝘳𝘢𝘯𝘨𝘢𝘺 𝘥𝘪𝘯𝘩𝘪 𝘴𝘢 𝘢𝘵𝘰𝘢 𝘴𝘢 𝘱𝘳𝘰𝘣𝘪𝘯𝘴𝘺𝘢,” saysay ni Magdadaro.

Atol sa maong selebrasyon, gihatagan og pasidungog ang mga local government unit kinsa nakakuha og dakong porsiyento sa gipahigayong audit sa Department of Interior and Local Government may kalambigitan sa drug clearing program sa mga LGU’s. Anaa sa unang pwesto ang Island Garden City of Samal ug ang Lungsod sa Braulio E. Dujali. Pareho kining nakadawat og P50,000.00 nga ganti. Naa sa ikaduhang pwesto ang Lungsod sa Talaingod. Nakaankon kini’g P40,000.00 nga premyo. Samtang ikatulo nga pwesto ang Lungsod sa Sto. Tomas nga midawat sab sa kantidad nga P30,000.00. Ang walo ka mga lungsod sa probinsya nga anaa sa ubos nga ranking nidawat sab kini’g P20,000.00 matag usa.

Nanawagan si PADAC Focal Person Jucylen Lumangtad sa tanang lumilihok sa drug clearing program, gikan sa city, municipal ug barangay anti-drug abuse council nga pahugtan pa ang implementasyon sa maong programa ug maningkamot nga sunod tuig 2023, modaghan pa ang mga barangay ug LGU nga mamahimong limpyo sa gidiling druga.

“𝘍𝘪𝘳𝘴𝘵 𝘵𝘪𝘮𝘦 𝘪𝘯 𝘋𝘢𝘷𝘢𝘰 𝘙𝘦𝘨𝘪𝘰𝘯 𝘯𝘨𝘢 𝘢𝘯𝘨 𝘶𝘴𝘢 𝘬𝘢 𝘱𝘳𝘰𝘣𝘪𝘯𝘴𝘺𝘢 𝘮𝘢𝘨𝘢-𝘢𝘸𝘢𝘳𝘥 𝘴𝘢 𝘮𝘨𝘢 𝘳𝘦𝘴𝘱𝘦𝘤𝘵𝘪𝘷𝘦 𝘥𝘳𝘶𝘨 𝘢𝘣𝘶𝘴𝘦 𝘤𝘰𝘶𝘯𝘤𝘪𝘭, 𝘮𝘶𝘯𝘪𝘤𝘪𝘱𝘢𝘭 𝘶𝘨 𝘤𝘪𝘵𝘺 𝘥𝘳𝘶𝘨 𝘢𝘣𝘶𝘴𝘦 𝘤𝘰𝘶𝘯𝘤𝘪𝘭 𝘴𝘢 𝘪𝘭𝘢𝘩𝘢𝘯𝘨 𝘦𝘧𝘧𝘰𝘳𝘵, 𝘪𝘯𝘪𝘵𝘪𝘢𝘵𝘪𝘷𝘦, 𝘴𝘢 𝘵𝘢𝘯𝘢𝘯𝘨 𝘬𝘢𝘩𝘢𝘨𝘰 𝘪𝘯 𝘵𝘩𝘦 𝘥𝘳𝘶𝘨 𝘤𝘭𝘦𝘢𝘳𝘪𝘯𝘨 𝘱𝘳𝘰𝘨𝘳𝘢𝘮. 𝘛𝘩𝘢𝘵 𝘪𝘴 𝘸𝘩𝘺 𝘯𝘢𝘨𝘱𝘢𝘩𝘪𝘵𝘢𝘣𝘰 ‘𝘵𝘢 𝘰𝘨 𝘭𝘰𝘤𝘢𝘭 𝘢𝘶𝘥𝘪𝘵 𝘥𝘪𝘪𝘯 𝘨𝘪𝘨𝘢𝘮𝘪𝘵 𝘯𝘢𝘵𝘰 𝘢𝘯𝘨 𝘯𝘢𝘵𝘪𝘰𝘯𝘢𝘭 𝘳𝘦𝘴𝘶𝘭𝘵𝘴 𝘯𝘨𝘢 𝘨𝘪𝘨𝘢𝘮𝘪𝘵 𝘴𝘢 𝘚𝘎𝘓𝘎 𝘴𝘢 𝘱𝘢𝘨𝘴𝘶𝘬𝘰𝘥 𝘬𝘶𝘯𝘨 𝘶𝘯𝘴𝘢 𝘯𝘢 𝘢𝘯𝘨 𝘬𝘢𝘭𝘪𝘥𝘢𝘥 𝘴𝘢 𝘢𝘵𝘰𝘯𝘨 𝘱𝘳𝘰𝘣𝘪𝘯𝘴𝘺𝘢 𝘶𝘨 𝘮𝘨𝘢 𝘳𝘦𝘴𝘱𝘦𝘤𝘵𝘪𝘷𝘦 𝘭𝘰𝘤𝘢𝘭 𝘨𝘰𝘷𝘦𝘳𝘯𝘮𝘦𝘯𝘵 𝘶𝘯𝘪𝘵 𝘴𝘢 𝘪𝘭𝘢𝘯𝘨 𝘱𝘢𝘨𝘩𝘪𝘯𝘭𝘰 𝘴𝘢 𝘪𝘭𝘢𝘯𝘨 𝘮𝘨𝘢 𝘤𝘰𝘮𝘮𝘶𝘯𝘪𝘵𝘪𝘦𝘴 𝘴𝘢 𝘪𝘭𝘦𝘨𝘢𝘭 𝘯𝘨𝘢 𝘥𝘳𝘶𝘨𝘢,” pagpasabot ni Lumangtad.

Gipasalamatan ni Lumangtad si Kuya Gov gumikan sa padayong suporta aron pakigbatokan ang mga aktibidades nga may kalambigitan sa ilegal nga druga.

“𝘞𝘦 𝘢𝘳𝘦 𝘮𝘰𝘴𝘵 𝘵𝘩𝘢𝘯𝘬𝘧𝘶𝘭 𝘵𝘰 𝘰𝘶𝘳 𝘏𝘰𝘯𝘰𝘳𝘢𝘣𝘭𝘦 𝘎𝘰𝘷𝘦𝘳𝘯𝘰𝘳 𝘒𝘶𝘺𝘢 𝘌𝘥𝘸𝘪𝘯 𝘑𝘶𝘣𝘢𝘩𝘪𝘣 𝘣𝘪𝘴𝘢𝘯 𝘸𝘢𝘭𝘢 𝘥𝘪𝘯𝘩𝘪 𝘬𝘢𝘳𝘰𝘯 𝘬𝘢𝘺 𝘯𝘢𝘢 𝘴𝘪𝘺𝘢’𝘺 𝘦𝘲𝘶𝘢𝘭𝘭𝘺 𝘪𝘮𝘱𝘰𝘳𝘵𝘢𝘯𝘵 𝘢𝘤𝘵𝘪𝘷𝘪𝘵𝘪𝘦𝘴 𝘣𝘶𝘵 𝘢𝘯𝘨 𝘱𝘢𝘨𝘱𝘢𝘩𝘪𝘨𝘢𝘺𝘰𝘯 𝘯𝘢𝘵𝘰 𝘴𝘢 𝘱𝘳𝘰𝘨𝘳𝘢𝘮𝘢 𝘴𝘢 𝘢𝘯𝘵𝘪-𝘪𝘭𝘭𝘦𝘨𝘢𝘭 𝘥𝘳𝘶𝘨𝘴, 𝘨𝘳𝘢𝘣𝘪 𝘨𝘺𝘶𝘥 𝘬𝘢𝘢𝘺𝘰 𝘢𝘯𝘨 𝘢𝘵𝘰𝘯𝘨 𝘮𝘨𝘢 𝘮𝘶𝘯𝘪𝘴𝘪𝘱𝘢𝘭𝘪𝘥𝘢𝘥 𝘶𝘨 𝘴𝘪𝘺𝘶𝘥𝘢𝘥 𝘬𝘢 𝘤𝘰𝘰𝘱𝘦𝘳𝘢𝘵𝘪𝘷𝘦 𝘴𝘢 𝘢𝘵𝘰𝘯𝘨 𝘱𝘳𝘰𝘣𝘪𝘯𝘴𝘺𝘢. 𝘚𝘢𝘭𝘢𝘮𝘢𝘵 𝘴𝘢 𝘢𝘵𝘰𝘯𝘨 𝘮𝘨𝘢 𝘮𝘢𝘺𝘰𝘳, 𝘵𝘩𝘦𝘺 𝘩𝘢𝘷𝘦 𝘵𝘩𝘦 𝘧𝘶𝘭𝘭 𝘵𝘳𝘶𝘴𝘵 𝘢𝘯𝘥 𝘤𝘰𝘯𝘧𝘪𝘥𝘦𝘯𝘤𝘦 𝘴𝘢 𝘪𝘭𝘢𝘯𝘨 𝘳𝘦𝘴𝘱𝘦𝘤𝘵𝘪𝘷𝘦 𝘮𝘶𝘯𝘪𝘤𝘪𝘱𝘢𝘭 𝘢𝘯𝘥 𝘤𝘪𝘵𝘺 𝘢𝘯𝘵𝘪-𝘥𝘳𝘶𝘨 𝘢𝘣𝘶𝘴𝘦 𝘤𝘰𝘶𝘯𝘤𝘪𝘭 𝘧𝘰𝘤𝘢𝘭 𝘱𝘦𝘳𝘴𝘰𝘯𝘴,” pasalamat sa provincial focal.

Hugtanon ang programa ni Kuya Gov alang sa pagsumpo ug pagwagtang sa mga kalihokan sa ilegal nga druga ug aron sab paghatag katumanan sa tumong nga mamahimong limpyo sa gidiling druga ang tibuok probinsya sa umalabot nga tuig 2024.

Writer: Nestor H. Mata, Jr.