Gipasidunggan sa Probinsyal nga Panggamhanan sa Davao del Norte pinaagi sa Provincial Human Resource Management Office (PHRMO) ang mga opisina ug kawani sa Kapitolyo sa ilahang dakong kontribusyon sa mga kalampusan sa DavNor ug bisan pa ilahang mga personal accomplishments atol sa Gantimpala Agad Awarding (GAA) niadtong Nobyembre 28, 2022.
Ang mga awardees dako’g kalabotan sa pagkab-ot sa (KAlamidad at Sakuna LAbanan SAriling Galing ang Kaligtasan (KALASAG) Award, mga Licensure Examination passers, Technical Working Group (TWG) sa pagbuhat sa bid book alang sa Business-friendly award ug uban pa.
Matud ni PHRMO Supervising Administrative Officer Michelle Claridad, ang mga empleyadong adunay “exemplary performance” sa ilang pagpanarbaho kinahanglan dayon ilhon ug hatagan og award.
“We celebrate our employees nga naa silay mga accomplishments, mga extra mile and excellence awards called the Gantimpala Agad Award. Ginahatag ni siya sa mga empleyado per civil service commission… nga dapat kung naay mga maayong nabuhat, mga exemplary, mga extra mile sa empleyado, agad-agad nato sila i-award,” pag-explikar ni Claridad.
Gipasalamatan sab ni PHRM Officer Edwin Palero ang mga awardees sa tanang dungog ug garbo na ilang nahatag sa probinsya pinaagi sa pagpaningkamot na mahimong ekselente ilahang mga trabaho.
“...With the kasingkasing sa pagpasalamat sa inyong mga binuhatan na naghatag og dakong dungog sa probinsya,” sulti ni PHRM Officer Palero.
Kini nga Gawad Agad Awarding maoy usa sa pinakadaghan og awardees tungod kay halos tanang departamento sa Kapitolyo nakadawat og plaques.
Writer/Photo: Danica Delight Villanueva
