Malampusong natapos ang unang adlaw sa Davao del Norte Investment Conference (ICON) 2022 na gipartisiparan sa nagkadaiyang mga Consuls gikan sa laing bahin sa kalibutan, mga negosyante, lokal ug probinsyal nga opisyales ug mga representante sa ubang ahensiya sa gobyerno.
Nahimong posible ang maong convention pinaagi sa kolaborasyon sa Probinsyal nga Panggamhanan sa Department of Trade and Industry (DTI) - DavNor nga nagtumong ipakita ang sosyo-ekonomikong potensyal sa probinsya aron mas maka-engganyo pa og daghang investors.
Adunay mga gipahitabong Talkshow mahitungod sa flagship program ni Governor Edwin “Kuya Gov” Jubahib na KAwsa sa AGrikulturA ug PAnginabuhian sa barangaY kon KAAGAPAY program ug ang world-renowned nga MUSA Fabric ni home-grown designer Joy Soo, AVP Presentation alang sa Investment Promotion sa 11 ka Local Government Units (LGUs), mensahe gikan kang Mindanao Development Authority Sec. Maria Belen Acosta ug Business Matching.
Gipasabot ni Kuya Gov nga nakapokus ang ICON sa pagpatugbaw sa ABCDE nga kapasidad sa DavNor nga mao ang (A)gri-based nga mga produkto sama sa (B)anana (saging), (B)amboo production, (C)offee (kape) ug coconut (lubi), (D)avNor tourism ug ang (E)conomic zones.
“This year’s investment forum serves as platform for us to highlight our strengths and pride our local products and our economic zones as great investment opportunities for domestic and foreign investors. We aim to highlight our investment priorities on agriculture particularly our food sufficiency, KAAGAPAY program. Bananas featuring our internationally-renowned MUSA textile, coconut, abaca, rice and corn…our promising tourism industry and economic zones…” sulti ni Kuya Gov.
Nahatagan pud og oportunidad ang mga lokal nga negosyante gikan sa nagkalain-laing LGUs sa DavNor nga ibida ang mga produkto sa probinsya sulod sa ilang mga booths.
Nagpasundayag sab og nindut nga fashion wear ang MUSA atol sa Governor’s Night sa MUSA Fashion show nga nagpakita sa talento sa mga Dabaonon designers nga misikat dili lamang sa Pilipinas, apan apil na sa laing nasud.
Writer/Photo: Danica Delight Villanueva
