Giplantsa na sa mga sports coordinators ang mga mekaniks ug guidelines alang sa umalabot nga Mindanao-wide Civil Service Commission Sports, Recreational and Physical Activities 2023 karong Pebrero 8-10, 2023.
Sa unang higayon, napili ang DNSTC nga mo-host sa maong dakong kalihokan subay sa nabatasan nang paduwa sa CSC matag duha ka tuig.
Una pa ang miting, nag-site visit ang mga personahe sa CSC Regional Office XI (Davao Region) ug Region XIII (Caraga Region) sa state-of-the-art facilities sa DavNor Sports and Tourism Complex.
Kini na ang ikaduhang pagbisita sa CSC Regional Office XI sa DNSTC aron sa pagtan-aw sa pasilidad sukad niadtong Oktubre 2022.
Mitambong sab ang ubang CSC Regional Office sama sa Region IX, X, XII ug BARMM pinaagi sa Zoom online platform uban sa pagdumala sa Provincial Human Resources and Management Office ug paggiya sa Provincial Sports and Youth Development Office sa panguna ni PSYDO Head Giovanni I. Gulanes.
“This is the instruction of Kuya Gov Edwin Jubahib kay ang sports man gud inclusive, dili pwede nga usa ka grupo lang. Dapat inclusive or non-exclusive, meaning para ni sa tanan. Para sa atleta, para sa kababayen-an, para sa lumad, para sa lain-lain nga national government agency, ilabi na nga Civil Service kay mao man ni atong partner pag-abot sa employment. So, tabangan nato ang Civil Service kay makatabang man pud sila sa atoa. So, healthy Civil Service, healthy community, gi-promote nato ang culture of health and wellness in sports. Mao gyud ni ang mensahe nganong nagtabang ang DavNor ubos sa liderato ni Kuya Gov Edwin Jubahib – to help the NGAs and the community in its health and wellness program,” matud ni Gulanes.
Mainiton ang pagdawat ug pag-atiman sa Davao del Norte sa mga bisita. Nalipay sab ang PSYDO sanglit mahimong sports tourism sab kini aron masabwag sa lain-lain rehiyon ang kanindut sa pasilidad sa DavNor.
“It so happen nga ang mga identified sports, nakita namo nga anhi dinhi nato maduwa in one setting dinhi sa atong sports area dinhi sa Davao del Norte Sports Center. We coordinated with the Provincial Government of Davao del Norte for us to be allowed in using the said sports center. And it so happen positive kaayo ang response sa atong probinsya. In fact, nagpasalamat mi kay bisan kanang gagmay nga concern namo ilang gi-address. Dili lang kay gipahuwam mi sa facilities, in fact, gihatagan pa mi og mga personahe nga makatabang sa amo pagpadagan sa sports competition,” pagdayeg ug pagpasalamat ni CSC Regional Office XI Dir. Cyril-Nathan SM. Eamiguel.
Libreng ipagamit sa Probinsyal nga Panggamhanan ang tanang pasilidad alang sa maong patigayon.
Writer/Photo: Jun Rey Villanueva
