Miani og palakpak ang mga kapulisan sa probinsya sa Davao del Norte gikan kang General Benjamin Silo PRO XI Regional Director gumikan sa malampusong illegal drug operation nga mibalor 3.3 milyones ka pesos nga Shabu, human nga nadakpan ang suspek niadtong Enero 31, 2023 sa Purok 1, Barangay Suawon, New Corella.

Partikular nga gipasidunggan ni General Silo ang PNP New Corella sa pagpanguna ni Police Major Nidzfar Mangkabong gumikan sa pagdakop sa suspek nga giila sa pangalang Junifer Manguyao, hamtong sa panuigon og lumolupyo sa Purok 7 sa nahisgutang barangay.

Si General Silo mismo ang miadto sa Davao del Norte Provincial Police Office, niadtong Pebrero 1 tuig kasamtangan human gipresentar ni Provincial Director Police Col. Antonio Alberio Jr. ang naasoyng suspek uban sa mga nasakmit nga mga salapi, armas de puego, log book ug uban pa.

"𝘈𝘭𝘢𝘮 𝘯𝘺𝘰 𝘢𝘯𝘨 𝘗𝘙𝘖 𝘟𝘐 𝘬𝘢𝘴𝘢𝘮𝘢 𝘯𝘢𝘮𝘪𝘯 𝘺𝘰𝘯𝘨 𝘥𝘪𝘧𝘧𝘦𝘳𝘦𝘯𝘵 𝘗𝘳𝘰𝘷𝘪𝘯𝘤𝘪𝘢𝘭 𝘖𝘧𝘧𝘪𝘤𝘦𝘴, 𝘪𝘪𝘴𝘢 𝘭𝘢𝘯𝘨 𝘢𝘯𝘨 𝘵𝘢𝘯𝘨𝘪𝘯𝘨 𝘩𝘢𝘯𝘨𝘢𝘳𝘪𝘯 𝘯𝘢𝘮𝘪𝘯 𝘥𝘪𝘵𝘰 𝘯𝘢 𝘧𝘳𝘦𝘦 𝘧𝘳𝘰𝘮 𝘥𝘳𝘶𝘨 𝘢𝘧𝘧𝘦𝘤𝘵𝘢𝘵𝘪𝘰𝘯 𝘢𝘯𝘥 𝘪𝘯 𝘥𝘰𝘪𝘯𝘨 𝘴𝘰 𝘸𝘦 𝘳𝘦𝘢𝘭𝘭𝘺 𝘩𝘢𝘷𝘦 𝘵𝘰 𝘢𝘳𝘳𝘦𝘴𝘵 𝘵𝘩𝘦 𝘱𝘦𝘳𝘴𝘰𝘯 𝘪𝘯𝘷𝘰𝘭𝘷𝘦𝘥," sumala ni Silo.

Gipahayag ni Police Major Nidzfar Mangkabong nga gilayon niresponde ang mga kapulisan human nadawat ang taho nga adunay pagpaka-paka sa mga bala sa nahisgutang dapit.

"𝘞𝘦 𝘧𝘰𝘶𝘯𝘥 𝘰𝘶𝘵 𝘯𝘢 𝘮𝘢𝘺 𝘪𝘴𝘢𝘯𝘨 𝘭𝘢𝘭𝘢𝘬𝘪 𝘴𝘢 𝘭𝘰𝘰𝘣 𝘯𝘨 𝘴𝘢𝘴𝘢𝘬𝘺𝘢𝘯, 𝘭𝘪𝘧𝘦𝘭𝘦𝘴𝘴 𝘮𝘢𝘺 𝘵𝘢𝘮𝘢 𝘴𝘢 𝘶𝘭𝘰 𝘢𝘱𝘢𝘵 𝘯𝘢 𝘣𝘢𝘭𝘢, 𝘴𝘰 𝘯𝘢𝘨-𝘤𝘰𝘯𝘥𝘶𝘤𝘵 𝘵𝘢𝘺𝘰 𝘢𝘨𝘢𝘥-𝘢𝘨𝘢𝘥 𝘯𝘨 𝘪𝘮𝘣𝘦𝘴𝘵𝘪𝘨𝘢𝘴𝘺𝘰𝘯. 𝘕𝘢𝘨𝘥𝘦𝘱𝘭𝘰𝘺 𝘢𝘨𝘢𝘥 𝘵𝘢𝘺𝘰 𝘯𝘨 𝘢𝘵𝘪𝘯𝘨 𝘪𝘯𝘵𝘦𝘭 𝘢𝘵 𝘩𝘶𝘮𝘪𝘯𝘨𝘪 𝘵𝘢𝘺𝘰 𝘯𝘨 𝘵𝘶𝘭𝘰𝘯𝘨 𝘴𝘢 𝘢𝘵𝘪𝘯𝘨 𝘣𝘢𝘳𝘢𝘯𝘨𝘢𝘺 𝘤𝘢𝘱𝘵𝘢𝘪𝘯 𝘯𝘨 𝘣𝘢𝘳𝘢𝘯𝘨𝘢𝘺 𝘚𝘶𝘢𝘸𝘰𝘯 𝘱𝘢𝘳𝘢 𝘮𝘢-𝘢𝘤𝘵𝘪𝘷𝘢𝘵𝘦 𝘯𝘢𝘵𝘪𝘯 𝘢𝘯𝘨 𝘢𝘵𝘪𝘯𝘨 𝘮𝘨𝘢 𝘧𝘰𝘳𝘤𝘦 𝘮𝘶𝘭𝘵𝘪𝘱𝘭𝘪𝘦𝘳𝘴 𝘢𝘵 𝘴𝘢 𝘢𝘵𝘪𝘯𝘨 𝘮𝘨𝘢 𝘗𝘉𝘈𝘛𝘚," saysay ni Mangkobang.

Sa pasiunang imbestigasyon nasayran nga ang suspek usa ka Junifer Manguyao hamtong panuigon, walay trabaho og residente sa Purok 7, sa barangay Suawon nga sumala pa sa suspek gi-hire lamang siyang bodyguard sa biktimang muslim alyas kurap Acmad nga buot kunong mopatay kaniya hinungdan nga iyang giunhan. Bitbit ang mga shabu og buot unta kining mosurender sa gobernador sa pangagpas nga aduna siyay makuhang reward apan pakyas kini gumikan kay nadakpan siya sa mga kapulisan.

"𝘎𝘪𝘱𝘢𝘯𝘨𝘶𝘩𝘢 𝘢𝘯𝘨 𝘮𝘨𝘢 𝘨𝘢𝘮𝘪𝘵 𝘱𝘢𝘵𝘪 𝘴𝘩𝘢𝘣𝘶 𝘨𝘪𝘴𝘶𝘥 𝘯𝘢𝘬𝘰’𝘨 𝘣𝘢𝘨 𝘬𝘢𝘺 𝘥𝘪𝘳𝘦𝘬 𝘬𝘰 𝘮𝘰𝘴𝘶𝘳𝘦𝘯𝘥𝘦𝘳 𝘬𝘢𝘺 𝘎𝘰𝘷. 𝘕𝘢𝘬𝘢𝘣𝘢𝘴𝘢 𝘮𝘢𝘯 𝘬𝘰 𝘴𝘢 𝘯𝘦𝘸𝘴 𝘯𝘨𝘢 𝘮𝘰𝘩𝘢𝘵𝘢𝘨 𝘰𝘨 𝘳𝘦𝘸𝘢𝘳𝘥 𝘚𝘪 𝘎𝘰𝘷 𝘱𝘦𝘳𝘰 𝘨𝘪𝘨𝘶𝘬𝘰𝘥 𝘯𝘢𝘮𝘢𝘯 𝘬𝘰 𝘴𝘢 𝘮𝘨𝘢 𝘵𝘢𝘯𝘰𝘥 𝘮𝘢𝘨𝘭𝘪𝘴𝘶𝘥 𝘯𝘢𝘬𝘰. 𝘋𝘪𝘭𝘪 𝘮𝘢𝘯 𝘨𝘶𝘥 𝘬𝘰 𝘴𝘢 𝘪𝘭𝘢 𝘮𝘰𝘴𝘶𝘳𝘦𝘯𝘥𝘦𝘳 𝘨𝘶𝘥," pagbutyag ni Manguyao.

Kasong murder, paghupot sa ilegal nga droga og armas ang posibling atubangon nga kalapasan sa suspek samtang nagpadayon ang imbestigasyon.

Padayon ang kampanya batok ilegal nga droga ug kriminalidad uban sa hugtanong suporta sa mga local chief executives ug ni Kuya Gov Edwin Jubahib, dugang pahayag ni Police Col. Alberio.

"𝘚𝘢 𝘬𝘢𝘵𝘢𝘸𝘩𝘢𝘯 𝘮𝘢𝘨𝘱𝘢𝘥𝘢𝘺𝘰𝘯 𝘢𝘯𝘨 𝘦𝘧𝘧𝘰𝘳𝘵 𝘴𝘢 𝘬𝘢𝘱𝘶𝘭𝘪𝘴𝘢𝘯 𝘢𝘳𝘰𝘯 𝘮𝘢𝘩𝘢𝘵𝘢𝘨𝘢𝘯 𝘮𝘰’𝘨 𝘭𝘪𝘷𝘦𝘢𝘣𝘭𝘦 𝘱𝘳𝘰𝘷𝘪𝘯𝘤𝘦, 𝘴𝘢 𝘣𝘶𝘭𝘢𝘯 𝘴𝘢 𝘦𝘯𝘦𝘳𝘰 𝘢𝘥𝘶𝘯𝘢𝘺 45 𝘰𝘱𝘦𝘳𝘢𝘵𝘪𝘰𝘯 𝘴𝘢 𝘪𝘭𝘦𝘨𝘢𝘭 𝘥𝘳𝘶𝘨𝘴," matud ni Alberio.

Writer/Photo: Lorna P. Tripoli