Malinawon ang gipahigayon nga joint meeting sa executive ug legislative departments sa Probinsiyal nga Panggamhanan sa Davao del Norte aron taposon na ang mga isyu nga hinungdan sa ilang panagbangi.

“Dako kaayo ko ug pasalamat nga nagkuyog kita aron hisgutan unsa ang maayo nga mga programa ug masuportahan ug magkasinabot ta sa atong usa ka direction para sa kalamboan sa atong probinsiya sa Davao del Norte,” sulti ni Kuya Gov.

Si Regional Director Alex Roldan sa Department of Interior and Local Government (DILG)-XI ang nangunay sa pag-moderate sa maong panagtigum, sanglit ingon siya nga nabalaka na siya sa paglabayay sa mga akusasyon sa duha ka kampo diha sa social media.

Sulti ni Roldan nga kinahanglan ang pagsinabtanay ug panaghiusa sa duha ka mga branches, taliwala sa daghang mga hagit nga giatubang sa probinsiya karon.

“Maapektuhan ang katawhan nga atong giserbisyohan. It is not about us. It is about the community that we serve… Gusto nako nga magkasinabot jud mo kung unsay angay buhaton given the many challenges that we are facing now,” maoy pagpahingusog sa opisyal.

Gihisgotan ni Roldan ang labaw nga hagit karon sa probinsiya sa pagsustenar sa kadaogan nga naangkon niini isip “insurhency-free province” ug sa pagsumpo sa problema sa ginadili nga droga, ug sa daghan pang uban nga mga isyu.

Mipasalig sab si Vice Governor De Carlo Uy nga walay angay kabalak-an kay matud niya motrabaho jud siya sa kaayuhan sa katawhan.

“We are here to work. So let us work together para sa kaayuhan sa atong probinsiya sa Davao del Norte,” sulti niya.

 

 

 

DavNor News