Gipangunahan ni Governor Edwin "Kuya Gov" Jubahib ang groundbreaking ceremony sa P5.9 million 2-storey Multi-Purpose Building, kon Provincial Director's Building, sa Davao del Norte Police Provincial Office (DNPPO).
Kauban ni Kuya Gov sila PNP-XI Deputy Regional Director for Administration Brig. Gen. Lyndon Mencio, DPWH 1st Engineering District Engineer Liberato Tan, Jr., DNPPO Chief PCol. Antonio Alberio, Jr. ug 1st District Congressional Office Chief of Staff Alfonso Alvarez.
Ang maong proyekto, nga gilaumang mahuman sa tulo ka bulan, pagapundohan sa opisina ni 1st District Congressman Pantaleon Alvarez.
Mipasalig sab si Kuya Gov nga pundohan sa iyang opisina ang P5 million alang sa Covered Court sa DNPPO karong tuiga.
Sa iyang mensahe, subling nanawagan si Kuya Gov sa panaghiusa sa tanang sektor alang sa paspas nga kalamboan.
"Kinahanglan dunay tamang collaboration... Ang katawhan, national government agencies, ang LGUs from province down to the city, municipalities down to the barangays, kinahanglan dunay panaghiusa ug usa ka panlantaw para atong ma-sustain ang kahapsay ug kalinaw... Kita magtinabangay para ang atong mga kaigsoonang anaa sa Geographically-Isolated and Disadvantaged Areas (GIDAs) ilang masinati sab ang kinabuhing hamugaway," sulti sa gobernador.
