Gipangunahan ni Governor Edwin “Kuya Gov” Jubahib ang Ground Breaking Ceremony sa pagatukorong duha (2) ka andanang gambalay isip opisina sa Davao del Norte PNP Provincial Internal Affairs Service (PNP-PIAS) sulod sa Capitol Compound, Mankilam, Tagum City, kauban si Alfonso Alvarez isip representante ni Cong. Pantaleon D. Alvarez ug ang Inspector General sa PNP-IAS Atty. Alfegar M. Triambulo, niadtong Pebrero 24, 2023.

Sa mensahe ni Kuya Gov, gihatagan og gibug-aton ang kaimportante sa pagatukorong gambalay aron ang mga katawhan nga adunay reklamo sa mga sakop sa PNP dili na magpanuko sa pagsumbong sa ilang mga reklamo. Iyang giawhag ang mga kadagkoan sa IAS nga dakpon gyud ang mga badlongon nga sakop sa PNP.

“Dako kaayo ang akong pasalamat sa atong National Government, mismo sa organization sa atong Philippine National Police, gibuhatan gyud og opisina nga maoy magmonitor ug magdisiplina. Buot pasabot nga ang gusto sa atoang gobyerno, nga maserbisyohan og insakto ang katawhan nga pantay nga bisan gani ang usa ka police officer pwede na gyud siya mahimoan og separate investigation kung magkaroon siya’g report nga adunay pag-abuso sa iyahang posisyon,” sumala sa gobernador.

Nagpaabot si Cong. Alvarez sa iyang mensahe pinaagi sa iyang anak nga si Alfonso, diin gidayeg niini ang mga kadagkoan sa PNP-IAS sa padayong pagprotekta sa integridad sa pagpanerbisyo sa kitabuk-ang pwersa sa kapulisan nga miresulta sa seguridad, kalinaw ug kalamboan dinhi sa rehiyon.

“Your unwavering sacrifice and bravery to protect our homeland and to transform it into peaceful and resilient communities is truly admirable. Together, with the entire province of Davao del Norte, I salute our men and women in uniform for their steadfast dedication, to uphold peace and order for the welfare of the Filipino people and the country,” saysay ni Alvarez.

Dako ang kalipay nga gibati sa pangulo sa PNP-IAS, Atty. Triambulo gumikan sa suporta ni Kuya Gov ug Cong. Alvarez sa ilang ahensiya. Sumala pa niya nga dako kaayo’g tabang sa mga katawhan ang pagatukorong gambalay, makawala sa kahadlok ug kabalaka sa mga yanong lungsoranon panahon nga moreklamo batok sa usa ka pulis. Nanawagan sab kini sa mga pasaway nga pulis sa pag-bag-o na ug ipakita ang tinud-anay nga serbisyo sa katawhan.

“Kami po ay nagpapasalamat sa ating good Congressman ng First District na si Hon. Pantaleon Alvarez at kay Governor Edwin Jubahib, na matayo po itong importanteng office ng ating Internal Affairs Service. Sapagkat may iba pa kaming proyekto, ‘yong sinasabing IAS Desk na nandyan sa istasyon ng ating kapulisan. Ito ay nag-rerecieve ng mga information. Kung yan ay mabuting asal ng pulis ating gantimpalaan. So, we direct the Chief of Police or the commander to give the appropriate reward nong kanyang tauhan, para ito ay mag-boost ng morale at para pagbutihin pa niya ang kanyang serbisyo. Ang mensahe ko sa mga pasaway na pulis na magbago na po tayo. Dapat po nating alalahanin na ‘yong tao ay ang ating master, tayo servant. Binigyan ka ng baril at badge ng authority para hindi maging superior sa kanila,” pagsubay ni Atty. Triambulo.

Miduyog sab sa maong kalihokan ang mga department head sa kapitolyo nga gipangunahan ni Provincial Administrator Engr. Josie Jean Rabanoz, Board Member Prospero “Popo” Estabillo, Jr. ug mga kadagkoan sa kapulisan gikan sa rehiyon.

Pondohan sa opisina ni Cong. Alvarez, DPWH ug sa probinsyal nga panggamhanan ang maong gambalay nga mobalor P6,000,000.00.

Writer/Photo: Nestor Mata, Jr.

 

 

 

DavNor News