Gipangunahan ni Gobernador Edwin "Kuya Gov" Jubahib ang 1st Quarter Provincial Disaster Risk Reduction and Management Council Meeting sa VIP Clubhouse, DNSTC, Mankilam, Tagum City, niadtong Marso 21, 2023.

Gitambongan kini sa mga department head sa kapitolyo sa pagpanguna ni Provincial Administrator Josie Jean Rabanoz, PD-DILG Davao del Norte Jonathan J. Leybag, mga non-government organization, GOCCs, hut-ong sa kasundalohan ug kapulisan, media ug uban pa.

Gipresentar sa chairman sa nagkadaiyang komitiba ang mga accomplishment sa nakalabayng tulo ka bulan sama sa pag-implementar sa flood control project, agri-aquaculture program, animal health care and disease management project, environment and protection project, ug data information and management project. Gipakita sab ang mga aksyon nga gihimo sa mga departamento sa gobyerno isip hinanaling tubag panahon sa kalamidad ug emerhensiya.

Sumala ni Kuya Gov nga gipahigayon ang maong panagtapok aron mahisgutan ang mga nangaging kalamidad nga niigo sa probinsya, sama sa pagbaha ug ang bag-ohay pa lamang miigo nga magnitude 5.9 nga linog nga nakadaut sa pipila ka mga imprastraktura. Gihingusgan sa gobernador ang pagtinabangay ug kooperasyon sa tanan aron mamintinar ang seguridad sa mga katawhang Dabaonon.

โ€œ๐˜›๐˜ฉ๐˜ฆ ๐˜ค๐˜ฐ๐˜ถ๐˜ฏ๐˜ค๐˜ช๐˜ญ ๐˜ฉ๐˜ฐ๐˜ญ๐˜ฅ๐˜ด ๐˜ข ๐˜ท๐˜ฆ๐˜ณ๐˜บ ๐˜ค๐˜ณ๐˜ช๐˜ต๐˜ช๐˜ค๐˜ข๐˜ญ ๐˜ณ๐˜ฐ๐˜ญ๐˜ฆ ๐˜ช๐˜ฏ ๐˜ฐ๐˜ถ๐˜ณ ๐˜ข๐˜ฃ๐˜ช๐˜ญ๐˜ช๐˜ต๐˜บ ๐˜ต๐˜ฐ ๐˜ณ๐˜ฆ๐˜ด๐˜ฑ๐˜ฐ๐˜ฏ๐˜ฅ ๐˜ข๐˜ฏ๐˜ฅ ๐˜ฎ๐˜ข๐˜ฏ๐˜ข๐˜จ๐˜ฆ ๐˜ฅ๐˜ช๐˜ด๐˜ข๐˜ด๐˜ต๐˜ฆ๐˜ณ ๐˜ธ๐˜ช๐˜ต๐˜ฉ ๐˜ถ๐˜ต๐˜ฎ๐˜ฐ๐˜ด๐˜ต ๐˜ฆ๐˜ง๐˜ง๐˜ช๐˜ค๐˜ช๐˜ฆ๐˜ฏ๐˜ค๐˜บ. ๐˜โ€™๐˜ฎ ๐˜ท๐˜ฆ๐˜ณ๐˜บ ๐˜ค๐˜ฐ๐˜ฏ๐˜ง๐˜ช๐˜ฅ๐˜ฆ๐˜ฏ๐˜ต, ๐˜ฏ๐˜จ๐˜ข ๐˜ข๐˜ต๐˜ฐ ๐˜ฏ๐˜ช๐˜ฏ๐˜จ ๐˜ฎ๐˜ข๐˜ฌ๐˜ข๐˜บ๐˜ข. ๐˜“๐˜ฆ๐˜ต ๐˜ถ๐˜ด ๐˜ค๐˜ฐ๐˜ฏ๐˜ต๐˜ช๐˜ฏ๐˜ถ๐˜ฆ ๐˜ต๐˜ฐ ๐˜ธ๐˜ฐ๐˜ณ๐˜ฌ ๐˜ต๐˜ฐ๐˜จ๐˜ฆ๐˜ต๐˜ฉ๐˜ฆ๐˜ณ ๐˜ต๐˜ฐ ๐˜ฑ๐˜ณ๐˜ฐ๐˜ต๐˜ฆ๐˜ค๐˜ต ๐˜ฐ๐˜ถ๐˜ณ ๐˜ค๐˜ฐ๐˜ฎ๐˜ฎ๐˜ถ๐˜ฏ๐˜ช๐˜ต๐˜บ, ๐˜ต๐˜ฐ ๐˜ฆ๐˜ฏ๐˜ด๐˜ถ๐˜ณ๐˜ฆ ๐˜ต๐˜ฉ๐˜ฆ๐˜ช๐˜ณ ๐˜ด๐˜ข๐˜ง๐˜ฆ๐˜ต๐˜บ ๐˜ข๐˜ฏ๐˜ฅ ๐˜ธ๐˜ฆ๐˜ญ๐˜ญ-๐˜ฃ๐˜ฆ๐˜ช๐˜ฏ๐˜จ,โ€ sigon sa gobernador.

Atol sa maong panagtigom, gimandoan ni Kuya Gov si Provincial Engineer Engr. Glen Olandria sa pagkoordinar sa City Engineering Office aron pagsuta sa kahimtang sa mga dagkong gambalay dinhi sa siyudad sa Tagum sama sa mga mall, hotel, ug mga eskwelahan sanglit bag-ohay pa lamang niigo ang linog dinhi sa probinsya.

Pagpangandam sab ni sa umalabot nga pagdagsa sa mga katawhan karong bulan sa Abril sanglit ang probinsya ang mamahimong host sa Davao Regional Athletic Association Meet kon DAVRAA.

Writer/Photo: Nestor Mata, Jr.

 

 

 

DavNor News