Alang sa pagtikang sa malungtarong kalamboan og pagprayoridad sa socio-economic development programs and projects, gipahinabo ang special meeting sa Provincial Developmental Council (PDC) sa DavNor Pavilion, Mankilam, Tagum City, niadtong Hunyo 20, 2023. Kini aron tutokan ang pag-aproba sa Annual Investment Program Calendar Year 2024.

Gipangunahan ni Kuya Gov Edwin I. Jubahib ang maong panagtigom nga gitambongan usab sa mga kadagkoang opisyal sama nila Vice Gov De Carlo Oyo Uy, mga board members, nagkadaiyang mga department heads sa capitolio sa pagpanguna ni Provincial Administrator Engr. Josie Jean Rabanoz, Kapalong Mayor Maria Theresa Timbol, Talaingod Mayor Jonnie Libayao, representante ni 1stDistrict Congressman Pantaleon Alvarez, mga representante sa nagkadaiyang LGUs ug ahensiya ug daghan pang uban.

Kalakip sa AIP 2024 ang P5 milyon nga dugang budget alang sa dugang manpower sa Legislative Research Program nga idestino sa Legislative Department. Mamahimong katimbang kini sila sa pagpatuman sa good governance sa probinsya.

Hugot ang pagpasalamat sa gobernador sa kinatibuk-ang konseho gumikan sa maayong diskusyon nga naghatud sa maayong mga solusyon sa ikauswag sa probinsya.

"This council convenes for a single purpose and that is to drive Davao del Norte to progress. I would like to thank this council for maintaining an environmental of open communication, mutual respect and constructive dialogue where ideas can flourish and innovative solutions can be nurtured," sumala ni Kuya Gov.

Samtang kahibaloan nga human sa makuting diskusyon sa PDC sa nagkadaiyang serye sa mga panagtigom niini, kini hiniusang giaprobahan sa council ug gikatakdang ipasa sa plenaryo sa Sangguniang Panlalawigan alang sa deliberasyon ug pag-aproba.

Writer/Photos: Ma. Lorna P. Tripoli