Human ang kapin oras nga pagbiyahe sa mga personahe sa probinsyal nga panggamhanan sa Davao del Norte, midangat kanila ang liboan ka mga beneficiaries gikan sa Sitio Nasilaban Palma Gil, Talaingod, para sa ikatulo nga hugna sa Oplan Serbisyo sa Kalinaw.

Gipahimoslan sa mga Indigenous Peoples (IPs) ug mga mag-uuma ang mga gipaduol nga serbisyo sama sa medikal, surgical, ug dental. Anaa sa 519 ang naka-avail sa libreng check-up, 50 ang nakabenipisyo sa dental services, ug 89 ka bata nga nag-edad og pito pataas ang mipila para sa libreng tuli.

Apil sa gipangapod-apod sa mga residente ang 11,250 ka abaca seedlings, 600 ka semilya sa lubi, ug 60 ka abono. Gidalit pud sa programa ang 156 ka bakuna ug 3,029 ka medisina para sa mga hayop.

Matam-is nga mga pahiyom ang makita sa mga kaigsuonang IPs, human makita ang mga maayuhon nga gidalit sa probinsiya alang kanila, isip sayo nga pinaskuhan. Usa sa mga nakabenepisyo sa maong serbisyo si Ligaya Maginos, lumulupyo sa Purok Durian, Sitio Nasilaban. Sumala pa niya, dako iyang pagpasalamat kay Kuya Gov tungod sayon nalang para sa iyaha magpa-check-up sa iyang bali nga tiil, og dili na kinahanglan pa nga monaog sa sentro.

“Karon, naay nahatag nila gikan kang Governor, nagpasalamat ko… Kaning akong nadawat, mga pagkaon, bugas, tambal… ug lubi amuang nadawat. Nagapasalamat ko kay nagbalik-balik man si Governor diri sa bukid.”, sulti ni Maginos.

Sunod nga giadtoan alang sa ikaupat nga hugna sa Oplan Serbisyo sa Kalinaw ang Sitio Central Baugan sa Palma Gil, Talaingod. Kapin 341 ka mga residente ang nakapahimulos sa mga medikal nga serbisyo, 64 ka mga bata ang milinya para sa libre nga tuli inapilan og libreng tambal, ug 49 ka mga IPs ang naka-avail sa dental services sa programa nga gipahigayon sa maong lugar.

Nanghatag usab og 11,250 semilya sa abaca ug 400 ka semilya sa lubi, lakip ang 60 ka mga abono. 54 ka bakuna ug 1,046 ka mga medisina para sa mga hayop ang gidalit pag usab aron makatabang sa pagpanginabuhi sa mga residente.

Ang ‘Oplan Serbisyo sa Kalinaw’ usa ka programa sa inisyatibo ni Governor Edwin “Kuya Gov” Jubahib aron mapaabot ang impormasyon bahin sa mga programa sa gobyerno ug aron

makahatod og dinaliang serbisyo sa mga IPs ug Geographically Isolated and Disadvantaged Areas (GIDAs), ilabina sa mga pamilya nga apektado sa nahitabong pag-suspinde sa abaca-buying operations.

Writers: Hannah Zafra, Caren De Vera
Photos: Jonald Lalas

 

 

 

DavNor News

https://www.high-endrolex.com/26
https://www.high-endrolex.com/26