Gidalit sa Probinsyal nga Panggamhanan sa Davao del Norte ang pasidungog sa mga empleyadong niretiro sa serbisyo human sa duha o tulo ka dekada kapin nga pagpanarbaho sa Provincial Capitol.

Dili man katupngan ang ilang pagpanerbisyo, apan isip pasalamat ug pahalipay sa ilang sakripisyo, dedikasyon ug kontribusyon, gitunol sa panggamhanang probinsyal ubos sa pagpanguna ni Provincial Administrator Engr. Josie Jean Rabanoz, ang service ring, plaque, ug tokens sa 20 ka mga retirees alang sa 2nd semester tuig 2023.

Ang mga retirees naggikan sa Provincial Administrator's Office (PAdO), Provincial Agriculturist's Office (PAGRO), Provincial Engineer's Office (PEO) ug uban pang departamento. Gitunolan usab sila og dugang mga regalo ug bulak gikan sa ilang mga kaubanan sa opisina. Kuyog sa mga retirado ang ilang pamilya, samtang ang wala nakatungha, girepresentahan sa usa sa ilang kabanay.

"It is my great pleasure to welcome you all to this Salamat Mabuhay Program which is our tribute to the retirees for the second semester CY 2023. Foremost, I would like to express my gratitude for the Provincial Human Resource Management Office headed by Mr. Edwin E. Palero for spearheading this program for our colleagues will be finally retiree from this service to the Provincial Government of Davao del Norte," matud ni Engr. Rabanoz.

Si Renante Monares, ang nagrepresenta kang Governor Edwin “Kuya Gov” Jubahib nagpaabot sa mensahe sa gobernador nga nag-ila sa mga empleyadong makugihon ug nakatabang sa ekonomikanhong pagbangon, ug pag-uswag sa probinsya.

"To our retirees whose years of service become the foundation upon which our community stands, I extend my deepest gratitude. Your hard work, resilience, and dedication have left an indelible mark in the fabric of our society," mensahe ni Kuya Gov nga gibasa ni Monares.

Samtang, giawhag ni PHRMO Head Edwin Palero ang mga nigradwar sa serbisyo nga magpamiyembro sa asosasyon sa mga retirado sa kapitolyo ug nagpasalig nga ang liderato ni Governor Jubahib andam sa pagtabang.

Si Engr. Tessie Ababon, retiree human sa lima ka gobernador nga iyang naserbisyohan, nagpalanog sa iyang mga nasinati sulod sa 37 ka tuig nga pagpanerbisyo sa gobyerno.

"Retirement, much awaited of every employee, leaving one’s job career permanently. For me, I describe retirement as a graduation from the government service from a certain period of doing duties and responsibilities," saysay ni Engr. Ababon.

Ang Salamat Mabuhay Program: A tribute to the Retirees, gitigayon niadtong Nobyembre 30, sa Basilio's Events Place by Jbites, Barangay San Miguel, Tagum City nga gipangunahan sa Provincial Human Resource Management Office (PHRMO).

Writer/Photos: Maria Lorna P. Tripoli

 

 

 

DavNor News

https://www.high-endrolex.com/26
https://www.high-endrolex.com/26