Malampusong niabot ang 88 ka mga Locally Strandred Individuals (LSI) nga nag-gikan sa Luzon kaganihang kaadlawon sa alas 12, alas dos ug alas kwatro didto sa Grand Arena sa New City Hall sa Tagum.

Pinaagi sa programang Hatid Tulong sa Department of the Interior and Local Government (DILG), nagkahiusa ang Department of Social Welfare and Development Office-XI ug Provincial Health Office, Provincial Social Welfare and Development Office ug ang 11 ka mga lokal nga panggamhanan nga nahisakop sa Probinsya sa Davao del Norte subay sa mando ni Kuya Gob Edwin I. Jubahib nga mas pakusgan pa ang COVID-19 response sa probinsya.

Aduna pay dugang 98 ka mga LSI ang muabot karong adlawa sanglit 186 man ang gilauman sa DavNor. Ang maong mga LSI nipaliwom sa Rapid Diagnostic Test didto ka kauluhan una pa sila gitugutan makabyahe pauli sa probinsya.

Sa ilang pag-abot, gipahitabo gyud dayon ang profiling ug sila giasikaso sa mga personahe sa probinsya ug sa mga Local Government Units. Adunay tent ang 11 ka mga LGUs kung diin ang mga personahe sa gobyerno nang-apud-apod sa pagkaon ug mga panginahanglanon sa mga LSI nga nangabot.

Sa kasamtangan, anaa na ang mga nanguli nga LSI sa mga isolation facilities sa LGU. Sila mupailawom sa swab test sa ika-napulo nga adlaw sa ilang kwaratina. Ang tibuok Davao del Norte adunay 694 isolation rooms.

 

 

 

 

 

 

 

DavNor News