Davao del Norte – Sa pag selebrar sa 42nd National Disability Prevention and Rehabilitation week, nag pasiugda ang probinsyal na panggamhan sa Davao del Norte nga gipanguluhan ni Kuya Gob Edwin I. Jubahib kauban ang Provincial Social Welfare and Development ug programang pagila sa sektor sa Senior Citizens and Person's with disabilities nga wala jud sila malimtan sa probinsya. Sulod sa programa ang pagpanghatag ug mga ayuda lakip na ang maintenance alang sa mga Senior Citizens. Mga wheelchairs, walker, ug scrunches sa mga napilian nga PWDs.

Sulod sa tulo ka adlaw giubanan sa Provincial Governor's Office ug Provincial Social Welfare and Development si Kuya Gob Edwin I. Jubahib sa pag tuyok sa probinsya sa Davao del Norte. Sa ikaduhang adlaw gisugdan ang pagbisita sa tanang LGU sa Distrito Dos ug kini natapos sa IGACOS sa ikatulong adlaw.

Matod pa sa personal assistant ni Kuya Gov nga si Architect Leomel Puerto, naningkamot gayod sila na makapangita ug pamaagi para makatunol ug hinabang sa mga PWDs ug senior citizens taliwala sa krisis sa COVID-19, ug nagpahinumdom pod siya nga andam kanunay ang probinsyal na panggamhanan nga mag-atiman sa mga katawhan.

“Si Kuya Gov nag huna huna gayod siya unsaon man nato pag tabang sa atong PWDs ug senior citizens nga bisag sa gamay lang maghatag si kuya gov ug hinabang, so naa mi karong buntaga para magdala niining bugas. Naa pod tay wheelchairs na ihatag para sa nanginahanglan ug kani gamay lang ni nga hinabang hinaot na kini maka-abotay sa inyoha. Naa kanunay ang atong mga opisyales sa gobyerno nga naga atiman,” sulti ni Architect Puerto.

Nagpagawas usab ug sentimento ug pagpasalamat ang isa sa senior citizen na si Wilma Cabunlas ingon nga usa siya sa nakadawat sa ayuda nga gi apod-apod.
“Dako dakong pasalamat sa ahensiya nga naghatag niining ayuda para sa sa among mga senior citizens sa barangay Tambo ug daghang salamat kay sir Edwin Jubahib para sa ayuda sa tibook isla,” ingon ni Cabunlas.
Walay puas pod nga nagpahinumdom ang mga opisyales nga mag-amping ang katawhan sa ilang mga lawas ug padayon na mag-ampo nga malamdagan makakita na ug solusyon ang atong gobyerno sa pandemyang Covid-19.