Human sa Asuncion, gisunod dayon sa DavNor KAAGAPAY Team ang Kapalong alang sa pagpatigayon niini sa unang adlaw sa Roadshow.

Mainiton nga gidawat ni Mayor Ma. Theresa Timbol, Vice Mayor Edgardo Timbol, mga opisyales sa lokal nga panggamhanan, ug mga punong barangay sa Kapalong ang grupo sa probinsyal nga panggamhanan nga gipanguluhan ni Kuya Gob. Edwin I. Jubahib.

Matud pa ni Mayor Timbol, malipayon sya nga nahatagan na gyud ug katumanan ang pangandoy sa katawhan nga adunay lider sa probinsya nga mutabang sa mga kabos ug mga mag-uuma. Dugang niya, mas madasigon sya kay anaa ang suporta sa probinsyal nga panggamhanan sa mga programa ug proyektong pang-agrikultura nga iya pud gusto maimplementar sa Kapalong.

Naghinam-hinam gyud ang mga punong barangay nga mapaabot ang ilang katuyuan. Aktibo sila nga niapil ug naminaw sa seremonyas ilabi na sa mga pulong sa gobernador. Dako ang ilang kalipay kay positibong natubag ang ilang mga katuyuan ni Kuya Gov.

Anaa usab sa maong panagtigum ang pipila ka department heads sa kapitolyo ug mga miyembro sa Sangguniang Panlalawigan nga sila Hon. Nicandro Suaybaguio, Jr. ug Hon. Francisco Remitar.

 

 

 

 

 

DavNor News