Isip paglambigit sa ginapatuman nga Electronic Contact Tracing sa Probinsyal nga Panggamhanan sa Davao del Norte, gisugdan na sa Parish of Christ, The Eucharistic King o mas nailhan nga Old Cathedral ang pagscan sa QR Code sa matag tao nga musimba. Kagahapon, Agusto 29, 2020, adlaw'ng Sabado, atol sa ilang gipahitabong mga misa, gisugdan nila ang paggamit sa maong sistema hangtod karong adlawa sa Domingo.

Ang mga wala pay QR Code ginapasulat usa ang mga impormasyon niini sa contact tracing form arun masiguro nga adunay record ang pagtambong nila sa mga misa.

Sumala pa sa nagpatuman nga simbahan, ang maong sistema dako'ng tabang kanila tungod kini nagapadali sa ginahimo nilang screening sa mga indibidwal nga musulod sa simbahan.

DavNor News