Photos by: RhEd Anunciado

Subay sa mando sa Probinsyal nga Panggamhanan sa Davao del Norte nga "NO QR CODE, NO TRANSACTION", gisugdan na pag-implementar sa Seventh-Day Adventist Central Church sa Dakbayan sa Tagum karong adlawa, Setyembre 5, ang Quick-Response kon QR code scanning atol sa ilang pagsimba. 95 porsyento sa mga miyembro sa maong simbahan ang aduna nay QR code.

Una makasulod, kinahanglan nga musunod ang mga miyembro/manimbahay sa mga health protocols ug ipresenta ang ilang QR code sa mga lider sa simbahan. Kabahin sa ilang pag-implementar karong adlawa, wala sila nakasinati ug kalisdanan ug hamloy gayod ang pag-scan sa matag QR code.

Sumala pa ni Judge Jimmy Boco, Head Elder sa nasangpit nga simbahan, nga mabulokon gayod ang proyekto alang sa pagpadali sa contact tracing ug 100 porsyento ang suporta sa simbahan sa maong lakang nga gibuhat sa probinsya.

Giimbitahan sab ni Eden Sabio, Communications Department Leader, ang ilang mga miyembrong wala pay QR code, ubang simbahan, ug ang mga lumulopyo sa dakbayan nga magparehistro ug mukuha ug QR code isip pagtabang sa gobyerno sa pagbatok sa pandemyang COVID-19.

 

 

 

 

 

DavNor News