Gilusad ni Kuya Gov. Edwin I. Jubahib ang pinakabag-o nga Isolation Rooms sa Davao del Norte Hospital - Carmen Zone, aron dugang pasilidad alang sa mga suspected ug confirmed cases sa COVID-19 sa probinsya.

Dungan sa pag-abli sa P2.48 million nga proyekto ang pag-inagurar sa bag-ong DavNor Pharmacy nga nagtumong sa pagtubag sa kakulangon sa suplay sa tambal sa lalawigan.

Sulti ni Kuya Gov nga kinahanglan ang isolation rooms aron mapugngan ang pagkuyanap sa sakit sa probinsya.

“Ang Isolation Facility, para to sa atong covid patients nga naa tay mabutangan nga mahimong safety ang atong mga kaigsuonan nga dili apektado sa Covid ug matambalan pod ang pasyente sa Covid og ensakto. Kinahanglan jod nato ang DavNor pharmacy nga ang kakulangon jod nato sa tambal nga atong mahatag sa atong mga kaigsuonan nga pasyente dinhi sa davao del norte nga ma monitor nato ug mahatagan jod nato ug sufficient nga mga tambal,” pagpasabot ni Kuya Gob.

Kauban ni Kuya Gob sa pag-inagurar sa proyekto sila Provincial Administrator Engr. Josie Jean Rabanoz, Carmen Municipal Mayor Virginia Perandos, Provincial Economic Enterprise Development Office (PEEDO) Head Dennis Devilleres, ug si Engr. Tessie Ababon sa Provincial Engineering Office (PEO) sub-office.