Human sa pagpagawas sa Executive Order No. 53 sa Probinsyal nga Panggamhanan mahitungod sa pag-implementar sa QR Code isip usa ka lakang arun mapadali ang contact tracing, gisugdan dayon ang pagpahimutang ug Help Desk sa duha ka malls sa Dakbayan sa Tagum arun matabangan ang mga Dabaonon nga adunay problema sa ilang QR Code sama sa "QR CODE NOT YET REGISTERED", "INVALID QR CODE", ug mga mali sa detalye. Ang maong mga Help Desks maghatag ug serbisyo sa katawhan gikan sa adlaw`ng Lunes hangtod Domingo (mall hours).
Ang pagpahimutang ug mga Help Desks sa mga establisyemento unang gisugdan didto sa Dakbayan sa Panabo kaniadto pang katapusan sa Agosto hangtod karon. Ang maong lakang giisip nga mamahimong dakong tabang sa malampusong pag-implementar sa QR Code hilabi na sa contact tracing.
