Davao del Norte - Nagpahigayon ug usa ka “consolidated initial meeting” ang Department of Agriculture Region XI kauban ang nagkadaiyang bureaus ug ahensya ilalom sa DA ug mga opisyales sa Probinsyal nga Panggamhanan mahitungod sa proyektong “ONE DA” nga pokus ang “holistic approach” sa pag sulbad sa mga suliranon sa tanang aspeto sa agrikultura, karon, Enero 14, 2020.

Tungod sa gapadayon nga flagship program ni Governor “Kuya Gob” Edwin I. Jubahib nga DavNor KAAGAPAY, ang Davao del Norte ang mamahimong “pilot province” sa ONE DA kon epektibo ang programa ug nakita ang malungtarong pag uswag sa agrikultura sa probinsya bisan pa anaa ang hulga sa pandemya. Gani, kini ang nahimong sumbanan sa mga Dabaonon sa paglutas sa kakulangon sa pagkaon ug nakatabang sab sa ekonomikanhong problema.

Sumala ni Kuya Gob nga nindot ang ONE DA diin “highlight” gayod ang pagkahiusa alang sa pagpalambo sa agrikultural nga aspeto sa komunidad. Dugang ni Kuya Gob nga andam ang probinsya nga muhatag ug suporta aron mapadayon ug maabot ang kadaugan sa maong programa.

Nagkahigayon nga mapresentar sa mga nagkadaiyang bureaus ug ahensya ilalom sa DA pati ang mga inimbitang pribadong sektor ang ilang mga kontribusyon ug suhestiyon labot sa ONE DA. Magpadayon ang mga “consultations” and “meetings” hantod sa andam na ang mga papeles ug uban pang panginahanglanon sa implentasyon sa programa.