NAHIMONG Best DOLE-Assisted Project ang Uraya High Value Crops Farmers Association (UHVCFA) dili lang sa Rehiyon XI kundili sa tibuok nasod sa Pilipinas.
Ang 32-myembro nga UHVCFA gilangkoban sa 24 ka mga sakop sa Ata-Manobo (IPs) ug 8 ka mga “Bisaya” nga hiusang nagtikad sa sobra duha ka ektaryang “compact farm” nga nahimutang sa Sitio Uraya, Sto. Niño, Talaingod, Davao del Norte.
“Ang Uraya High Value Crops Farmers Association mao gyod ang napili sa Department of Labor and Employment sa office ni Secretary Bello nga national winner as Best Livelihood program. Dili na basta-basta nga recognition. This is only the second time sa group category because of the efforts sa atoang community, sa association, of course pinaagi sa pagtabang sa DANA Foundation, sa local government sa Talaingod ug labaw na sa Provincial Government sa Davao del Norte,” matod ni Department of Labor and Employment (DOLE) Regional Director Atty. Jason Balais.
Gawas sa pasidungog, gidawat sab sa UHVCFA ang P50mil Regional Winner ug laing P100mil National Winner cash prizes.
Apan bisan sa nakab-ot nga kalamposan, mipasalig ang DOLE nga ipadayon ang pagtabang sa asosasyon nga nakapausab sa kahimtang sa kinabuhi sa mga miembro niini.
“In the coming months sa 2021 maghunahuna na pod ta ug unsa pa ang atong ikahatag sa association nga dugang . . enhancement sa programa nila. . Mag-identify pa ta ug daghang projects sa Davao del Norte,” pasalig sa DOLE RXI Director.
Gikalipay gayod ni Gobernador Edwin “Kuya Gob” Jubahib ang nakab-ot nga kalamposan nga mipasalig nga ayohon dayon ang gikinahanglang karsada padulong sa bag-ong compact farm sa UHVCFA sanglit naguba kini sa ulan.
“Alam naman natin na sa umpisa pa lang itong Talaingod parang napabayaan sa mga nakalipas na administrasyon. Sa ngayon inuuna natin yung opening of road projects. Lahat ng sitios ngayon nagkaroon na rin ng karsada at nagkaroon na rin sila ng pangkabuhayan tulad po nito. Isang halimbawa itong Uraya Farmers Association na sinuportahan ng probinsya at mga national agencies pero lahat ng mga sitios dito sa Talaingod mayron ng association para sa pangkabuhayan. Yung kalsada mayron nang nagawa kaya lang dahil sa lakas ng ulan nasira, ayusin rin natin,” matod ni Kuya Gob.
Gawas sa mga serbisyo sosyal nga padayong gihatod ug tungod sab sa COVID-19, gilunsad sa gobernador ang KAwsa sa AGrikulturA ug PAnginabuhian sa barangay (KAAGAPAY) nga nag-awhag sa pagpananom bisan diha sa tugkaran.
“Ito po yung pokus ng probinsya na magkaroon nang practical agricultural projects kaya naglunsad tayo ng KAAGAPAY program. Sa ngayon sobrang tuwa dahil pag sama-sama lahat, kung baga ito yung sinasabi natin na whole-of nation approach, na-recognize kung ano talaga ang effort natin at naging magandang resulta ng ating binubuong farmers association,” dugang pahayag sa gobernador.
