Mga kaigsoonan ko sa Davao del Norte, ako magpahinumdum kaninyo nga kitang tanan magbinantayon sa kanunay ilabi na karon nga adunay kalamidad nga posible magdala ug kadaot sa atong kinabuhi ug kabtangan. Magmatyag kitang tanan sama sa pagsusi sa mga butang sa panimalay sama sa bongbong, atop, kabli sa kuryente ug uban pa. Atoa usab nga i-monitor ang level sa tubig sa mga katubigang bahin sa atong lugar ug kanunay nga maminaw sa mga pahinumdum ug anunsiyo gikan sa Probinsyal nga Panggamhanan. Sa panahon nga kita manduan sa panggamhanan nga mubakwit sa atong pinuy-anan, dili magduha-duha sa pagsunod niini aron sa kaluwasan sa tanan.

Importante ang kinabuhi sa matag-usa mao nga andam sa kanunay ang atong panggamhanan nga magbantay sa posible nga mahitabo ug magpatigayon ug search and rescue operation kung kinahanglan.

Kini inyong Kuya Gov Edwin I. Jubahib, nagahangyo sa inyong hugot nga suporta ug kooperasyon. Atong hinumduman nga kung ang katawhan ug ang gobyerno magtinabangay, dali nato makab-ot ang kinabuhing hamugaway, kay kita man One DavNor, One Team!