Mahuman ang malampuson nga Vaccination Day sa mga healthcare workers sa Carmen Zone Hospital, mi-arangkada na sab ang pagbakuna sa mga frontliners sa Kapalong Zone Hospital diin walay pag duha duha sila nga nag YES ug nidawat sa Sinovac vaccine atol sa programang Resbakuna Kasangga ng Bida.

Gipasabot ni Department of Health (DOH) Regional Director Anabelle Yumang nga pinaka unang gibutang sa prioritization list sa mga makadawat sa bakuna ang healthcare workers tungod dako ang posibilidad nga matakdan sila sa Covid-19 kay sila man ang direkta nga mag-atubang ug mag-atiman sa mga pasyente.

“Hospital ang gi una. Una gayod si level 3, level 2, ug level 1 because we are directly exposed, at risk atong healthcare workers and we do not want nga during this time kung mo-surge atong cases sa Covid-19, luoy kaayo ang atong healthcare workers. Even before, dili nato ma identify kinsa ang positive kinsa ang negative and these patients especially nga naay possible exposure, dili gayod na mutug-an. Didto na mahibal-an pag swab ninyo positive diay. That’s why first priority gayod ang atong hospital workers. Kung makakita mo sa atong prioritization list, number one gayod ang hospital personnel. Kay kung pananglitan affected ang atong healthcare workers, unsaon na lang ang mga na admit?So mas daghan ang atong casualties kay wala naman mag-atiman sa atong mga pasyente kay majority sa atong healthcare workers na hospital sab,” sulti ni Regional Director Yumang.

Dugang ni DOH Regional Director Yumang nga nagahulat pa sila sa sunod nga batch nga makadawat sa bakuna tungod limitado ang stocks niini. Tambag sab niya sa mga healthcare workers nga magsunod gihapon sa health protocols bisag nabakunahan na kay aduna na sab bag-ong variants ang Covid-19.

“Maghulat sad kung kanus-a na sab maabot ang next set sa vaccines because of the limited stocks of vaccines kay dili lang man Pilipinas nanginahanglan worldwide so paunahay karon. Pasalamat ta that our president nahatagan siya og donation nga mga vaccines nga dako og tabang sa atoa. Pasalamat ko sa atong health workers nga wala namo nahadlok kay mas hadlok ang mag Covid. Kung unsa ang vaccine nga ihatag sa inyoha nga available karon, mao to ang pinaka effective. Kay kanus-a pa man ta magpabakuna? Let the vaccine into your body before covid-19 enters your body so the vaccine can create antibodies that will combat the virus. Magsunod gihapon ta sa health protocols bisag nakabakuna na, dili gihapon mag kompyansa kay naa gihapon naabot nga new variants,” pagtapos ni Yumang.

Gibutyag sab ni Kapalong Zone OIC Chief of Hospital Dr. Jessie Belga nga atong miaging semana, sobra 40 ka healthcare workers nila ang nag NO sa bakuna maong nagpahigayon sila og pre-vaccine counselling aron madasig ug ma-awhag sila nga modawat sa bakuna.

“Pag start ani last week, pag inform sa amoa ni Ma’am Gloria nga naa na ang vaccine, medyo dili pa mi prepared pero ingon nako sa mga empleyado, tabangan nato ni kay dapat next week maka conduct na gayod kita sa bakuna. Last week, naa tay 40 plus nga nag say no sa bakuna so ang gibuhat namo, nag conduct mi ug pre-vaccine counselling, naa ta’y duha ka schedule of counselling sa mga nag no and pasalamat ta nga out of 20 plus murag tulo or lima ang most nga dili magpa inject and hopefully madayon tanan. Kay kita health worker, protektahan nato atong sarili ug atong pamilya. Kay once ma protektahan ta, muuli ta, dili nata makatakod. So today naa na atong vaccine and we are very blessed nga isa ta sa mga nauna hatagan aning covid vaccine. Pasalamat ta kaayo sa Ginoo ug sa DOH ug siyempre sa atong president Rodrigo Roa Duterte,” sulti ni Dr. Belga.

Sama sa Carmen Zone Hospital, aduna sab 6 ka lakang nga dapat agi-an atol sa Vaccination Day nga mao ang screening, pag-adto sa waiting area, registration, counselling, vaccination, ug observation. Mahuman mabakunahan, kinahanglan modiretso sa observation room ang vaccinee kon asa i-monitor sulod sa 15 minutos ang vital signs sa himsog nga vaccinee ug 30 minutos ang sa mga anaay comorbidities.

Ikaduha ang Kapalong Zone Hospital sa nakadawat ug Sinovac vaccines sa probinsya sa Davao del Norte. Anaa sab sa vaccination sila Carmen Zone Chief of Hospital Dr. Ruchille Arrocena, PEEDO PG-Department Head Dennis B. Devilleres, ug Carmen Zone SAO Areonito Lamoste.

 

 

 

 

 

DavNor News