Nagdesisyon ang Probinsyal nga Panggamhanan nga ipahigayon ang “Dispatch of Davao del Norte Balik Probinsya, Bagong Pag-asa (BP2) Beneficiaries” sa laing adlaw tungod sa resulta sa Antigen Test kung diin usa sa mga benepisyaryo ang nagpositibo sa COVID-19.

Bisan pa man sa pagpangandam nga gibuhat sa BP2 Team sa Davao del Norte aron sa pormal nga pag turn-over sa mga benepisyaryo ngadto sa ilang lokal nga panggamhanan, wala gyud sila nagduha duha sa pagdesisyon sa pagkanselar sa tigum karong adlawa nga ginganlan ug ‘’Ang Pagbalik.” Kini nga desisyon subay gayud sa safety and health protocols aron malikayan ang pagkuyanap sa virus.

Maghulat ang BP2 Team kung kanus-a mag-negative sa lain pang COVID-test ang tanang benepisyaryo aron ipadayon “Ang Pagbalik.” Giabisohan na usab ang BP2 National Council ug mga opisina sa rehiyon sa nagkaidaiyang nasyonal nga ahensya sa kausaban sa iskedyol.