Giila gayod sa probinsyal nga panggamhanan ni Gobernador Edwin “Kuya Gob” Jubahib ang mga paghago sa tanang lalaki ug babaye nga nagpaluyo sa KAwsa sa AGrikulturA ug PAnginabuhian sa barangaY kun KAAGAPAY.
Pinaagi ni DavNor Provincial Administrator Engr. Josie Jean Rabanoz, gipaabot ni Kuya Gob ang iyang kinasingkasing nga pagpasalamat ug gikomendahan ang matag usa kanila pinaagi sa paghatag sa GANTIMPALA Award didto sa Kaputian Beach, Island Garden City of Samal.
Wala hinuon kini nagpasabot nga natapos na ang buluhaton kay ang kawsa magpadayon. Human sa Community Organizing orientation, ang liboan ka mga manok nga iapod-apod sa mga benepisyaryo mag-“transform” sa mga KAAGAPAY staff ingong mata, kamot ug tiil sa DavNor Provincial Veterinarian’s Office (PVO) aron mapatunhay ang food security program nga KAwsa sa AGrikulturA ug PAnginabuhian sa barangay.
