Gi-ila ug gihatagan na sab og pasidungog sa Probinsyal nga Panggamhanan sa Davao del Norte sa panguna sa Provincial Human Resource Management Office (PHRMO) ang mga opisina ug kawani sa Kapitolyo sa ilang kalampusan ug dako nga dungog nga gihatag sa probinsya atol sa gipahigayong Gantimpala Agad Award (GAA) adlawng Miyerkules, Mayo 12, 2021.
Matod pa ni PHRMO PG-Department Head Edwin Palero, gusto ni Governor Edwin “Kuya Gob” Jubahib nga i-rekognisar gayod ang mga empleyado nga nakabuhat og extraordinary output nga adunay extraordinary impact ug dakong kontribusyon ngadto sa kaayohan sa mga Dabaonon ilabi na gayod kadtong mga nagabuhat og labaw pa sa ilahang “call of duty”.
“Upon the instruction of our Honorable Governor Edwin I. Jubahib, nga kinsa gani ang atong mga empleyado nga makabuhat og exemplary performance, i-recognize nato because it’s beyond the call of duty. Kay atong mga trabahuon nakabutang naman na sa papel unya ginabalik-balik og himo Monday to Friday. Pero naa g’yod mga empleyado that goes beyond that, nga wala na sila maghuna-huna og Monday to Saturday, wala maghuna-huna og sweldo, ang gihuna-huna ang pagserbisyo. Because naturally, ang atong business diri sa gobyerno is public service. When we do things beyond what is called, labi na g’yod og naay extraordinary output, meaning naa kay nakita nga mao ra nay gi-expect sa imoha pero pilo-pilo ang imong nahimo, murag extraordinary outcome, meaning imong gihimo adunay dakong kontribusyon sa imong opisina ug probinsya, mao nay extraordinary impact. Imong gihimo nakahatag og dakong tabang sa mga Dabaonon,” pagpasabot ni PHRMO Department Head Palero.
Adunay 13 ka mga awardees nga gipasidunggan sa GAA diin 4 nag gikan sa Provincial Information Communication and Knowledge Management Office (PICKMO), 7 gikan sa Provincial Administrator’s Office - Davao del Norte Investment and Promotion Center (PADO-DNIPC), ug 2 gikan sa Cooperative Development Division (CDD).
Giila sila PICKMO PG-Department Head Dr. Mervin Jay Suaybaguio, Paul Julian Cameguing, Aldrin Dupagan, Michael Angelo Balila isip awardees gikan sa PICKMO, sila CDS II Annabel Naliza ug Senior CDS Arden Caccam mga awardees gikan sa CDD, ug sila Shiela Mae Detros, Ronald Item, Amado Cabalquinto, Alvin Lumapas, Lloyd Henry Andoy, Shekina Unabia, ug Esperanza Peilago nga mga awardees gikan sa PADO-DNIPC.
Dugang pa ni PHRMO Department Head Palero nga tanang kawani sa kapitolyo mga buotan ug kugihan apan aduna gayod mga empleyado nga mubuhat ug mga buluhaton labaw pa sa ilang na-andan nga trabaho maong kinahanglan sila ilhon aron mahimong maayong ehemplo sa ubang kawani.
“Sama sa atong gi award ron nga dili lang pang probinsya o pang nationwide, pang international sab. Dili ba magpanuko og hatag og award si governor sa mga ingon anang klase nga empleyado? Nagtuo g’yod ko nga tanang empleyado sa kapitolyo mga buotan ug kugihan. But when you receive this award, you go beyond the normal nga employee. Pag naa kay award, meaning you are an exemplary performer, ikaw nay mahimong example nga muingon ang uban "Makadawat pud ko ana nga award. Sundon nako ang gibuhat aning isa.” This award is already a part of you. Not only part of your record, but part of you being a government worker, that you are an awardee,” pagtapos ni PHRMO Head Palero.
