MIDUYOG ang probinsyal nga panggamhanan ni Davao del Norte Gobernador Edwin “Kuya Gob” sa kasubo sa tibuok nasod Pilipinas gumikan sa kamatayon ni kanhi Presidente Benigno S. Aquino III nga gitiman-an sa half-mast nga pagtaod sa flag, Byernes Hunyo 25 hangtod Hulyo 3, 2021.

Gideklarar ni Presidente Rodrigo Duterte ang Hunyo 24, 2021 hangtod Hulyo 3, 2021 ingong ‘tibuok nasod nga pagbangotan’ sa paghatag pagtahod ug pasidungog sa ika-15 nga presidente sa nasod nga popular gitawag “PNoy.”

Matod ni presidential spokesperson Harry Roque gipirmahan ni Duterte ang Proclamation No. 1169 ingong paghatag pasidungog kang Aquino.

Nag-awhag sab ang Malacañang nga hiusang mag-mpo ug ipadaplin ang panagbingkil ingong pagtahod sa kanhi Presidente nga naghatag sa iyang pinakamaayo ngadto sa nasod ug sa katawhang Filipino.

Si Aquino gikataho nga namatay niadtong Huwebes gumikan sa gitawag “renal disease secondary to diabetes.”