Gipangunahan ni Provincial Administrator Engr. Josie Jean Rabanos ang pagtunol sa mga assistive devices ug vitamins ngadto sa mga Persons with Disabilities (PWDs), atul sa kasaulogan sa 43rd National Disability Prevention and Rehabilitation (NDPR) Week sa miaging bulan.

Kauban sa Provincial Council on Disability Affairs (PCDA) ang Provincial Health Office (PHO) ug Provincial Social Welfare and Development Office (PSWDO) sa pagpangandam sa 12 ka walkers with rotator, 8 walkers with wheels, 24 walkers without wheels ug 22 medical wheelchairs, Gipakapinan pa kini sa 66 boxes sa mga vitamins nga milangkob sa 22 ka boxes sa ascorbic acid, 22 boxes sa multivitamins ug 22 boxes sa Vitamin B Complex.

Ang mga hinabang gitunol sa Association of Davao del Norte Kapisanan ng may Kapansanan (DNK may K) ug sa PWDs sa 11 ka local government units (LGUs) sa probinsiya.

Sulti ni PA Rabanos nga tumong sa probinsiya nga tagaan pagtagad ang sektor sa PWDs nga apektado usab kaayo sa pandemya. (gikan sa taho ni Jahzzy Gonzaga/ DavNor-PSWDO)