Usa ka gatos ug dise-otso ka mga solar transistor radio, suplay sa pagkaon ug nagkadaiyang gamit sa panimalay ang gitunol ngadto sa mga benepisyaryo sa pabahay sa Sitio Tibucag, Barangay Dagohoy ug Sitio Mesolong, Barangay Sto. Niño, Lugsod sa Talaingod. Ang seremonyas sa pagtunol gipangunahan mismo ni Kuya Gob Edwin I. Jubahib kauban ang mga opisyal ug personahe sa nasyonal ug lokal nga panggamhanan, kasundaluhan ug kapulisan.
Kini atol sa gipahitabong Turn-over of Houses for Families Displaced by Armed Conflict sa Sitio Tibucag ug Turn-over of Pabahay sa Tribu Balai Pig-imim’manan sa Sitio Mesolong aron mahatagan ug panimalay ang mga miyembro sa tribung Ata-Manobo nga sa dugay’ng panahon nagpuyo didto sa UCCP-Haran sa Dakbayan sa Davao ug kadtong mga apektado sa armadong pakigbisog.
Sa ilang pagbalik sa sabakan sa panggamhanan, sila gitagaan sa ilang mga pangunang panginahanglanon. Aron mas dali ang paghiangay sa mga benepisyaryo sa ilang bag-ong puluy-anan, gitunol ang suplay sa pagkaon ug gamit panimalay sa Probinsyal nga Panggamhanan pinaagi sa Provincial Social Welfare and Development Office ug Provincial Information, Communication and Knowledge Management Office. Ang pondo nga gigahin para sa maong mga suplay hiniusa gikan sa Nasyonal ug Probinsyal nga panggamhanan.
Matud pa ni Provincial Information Officer, Dr. Mervin Jay Suaybaguio, ang pagpang-apud-apod sa probinsyal nga panggamhanan ug mga solar transistor radio dako ang mahatag nga tabang aron makalambigit ang mga lumulupyo sa sitio sa mga kalihokan sa panggamhanan ug makahibalo sila sa mga katikaran, ilabi na sa mga maayong butang nga nahitabo sulod ug gawas sa Davao del Norte.
Si Kuya Gob Edwin I. Jubahib ug mga datu sa Talaingod sa pormal nga pagturn-over sa mga suplay sa pagkaon, gamit sa panimalay ug mga solar transistor radio
Sila Board Member Dindo Parangan, Mayor Jonnie Libayao, Vice Mayor Francisco Gepulla Jr, Engr. Josie Jean Rabanoz, Dr. Mervin Jay Suaybaguio ug mga opisyales atol sa pag-turn over sa mga solar transistor radio sa Sitio Mesolong, Barangay Sto. Niño, Talaingod
One Team, One DavNor ang mga benepisyaryo sa pagdawat sa mga suplay sa pagkaon ug gamit sa panimalay nga gitunol mismo ni Provincial Social Welfare and Development Officer Rosalinda Rapista ug mga kaubanan niini
Mapasigarbohon nga nagpahulagway si Datu Ginamao Andil samtang malipayon nga gikuptan ang iyang nadawat nga solar transistor radio
Madasigon nga gitunol ni PICKMO-Print Division Head Noel Baguio ang mga solar transistor radio sa mga benepisyaryo
