DINHI gyod sa Davao del Norte gilunsad (launching) ang Enhanced Partnership Against Hunger and Poverty (EPAHP) sa Department of Social Welfare and Development (DSWD), Field Office XI, Lunes, Septiyembre 13.

Ang EPAHP maoy usa ka programa sa gobyerno pinaagi sa DSWD nga ang mga ahensya sa nasyonal ug lokal nga panggamhanan nagtapo sa mga resources aron walaon ang kagutom, maseguro ang pagkaon ug menosan ang kapobrehon diha sa syudad ug sa hilit nga mga komunidad.

Matod ni DSWD XI Division Chief Elizabeth Degorio nga sa lima ka probinsya sa Rehiyon XI, ang Davao del Norte ang ilang gipili gumikan sa positibong pagdawat niini ug sa programang KAAGAPAY ni Gobernador Edwin “Kuya Gob” Jubahib.

“Sa tanang probinsya kini ang pinakaunang gihimo because you have positively committed and responded to the invitation and because of your program sa KAAGAPAY kaya excited si Gob. Excited pod mi kaayo nga ma-orient tanan sa EPAHP program,” matod ni Ms. Degorio.

Sa paghatod sa mensahe ni Kuya Gob, gipasabot ni Provincial Administrator Engr. Josie Jean Rabanoz ang programa nga KAAGAPAY.

“Among major program sa province ginatawag as KAAGAPAY. . . This is KAwsa sa AGrikulturA ug PAnginabuhian sa barangaY. . This is a food-security program of the province of which diha namong tanan gituhog ang direction unsaon nato pag-fight against hunger and against poverty. Kuya Gob believes nga kung dili nato ma-address ang unang panginahanglanon which is the food, dili nato ma-attain ang atong mga objectives para sa total development sa Davao del Norte. Kana nga program nga food security naa dinha nga tudloan ang pinaka-grassroots didto sa mga kabarangayan pagtanom og gulay para ma-assure ang atong pagkaon diha sa atong table three times a day. Actually gi-launching ni siya pagsulod ni COVID. . So mao nang migawas si KAAGAPAY, tudloan sila unsaon pag-produce og mga gulay diha sa ilang tugkaran. . After that kung more than sa ilahang requirement, naa sila’y excess production, ang atoang provincial government mao po’y mopalit para naa pod sila’y income. . . Bisan two kilos lang ang excess pwede mabaligya, paliton sa provincial government. Ana ang atoang program sa KAAGAPAY,” pasabot ni PA Rabanoz.

Gawas sa gulay, gidugang sa KAAGAPAY ang manok pinaagi’g “growership.”

“Then karon naa na pod ta sa manok of which growership ang atoang approach. Atoa ang supply sa manok igo lang nila padak-on in a certain number of kilos then paliton na pod sa provincial government. So ang gain nato ani ang sustainability sa program and at the same time ang mga tao naa sila’y magamit sa ilahang panginahanglanon. So mao na ang ginahimo sa province in terms of addressing these problems,”

Sa kasamtangan dunay 28 ka ahensya sa gobyerno nga naglangkob sa mga service providers ug financial lenders ang nagtapo aron kab-oton ang tumong nga Zero Hunger sa pagka 2030 ug ang Ambisyon Natin 2040 nga wala na unya’y Filipino nga pobre.

***************///