Di pa lamang dugay, gipahigayon sa mga social workers ang pang-apod-apod sa mga food packs ug non-food packs assistance ngadto sa 77 ka mga batang Persons w/ Disability (PWD) gikan sa 11 ka lungsod sa Davao del Norte.

Gitawag kini’g PWD Program, usa ka programa sa probinsya pinaagi sa Provincial Social Welfare Development Office (PSWDO) nga matagaa’g pagtagad ug pag-amoma ang mga batang PWD.

Nakadawat sila’g bugas, gatas, quaker oats ug diaper alang sa mga batang PWD nga bedridden.

Aduna usab mga batang nag-antos sa orthopedic disability kinsa labing ginatagaa’g dakong pagtagad niining programaha diin nagapang-apod og mga assistive devices sama sa wheelchair, cane ug crutches.

Matud ni PSWDO Head Rosalinda O. Rapista nga nagahatag og technical assistance ang probinsya ngadto sa mga LGUs pinaagi sa pagbansay ug pag-edukar sa mga natukod nga asosasyon aron lig-onon kini kinsa maoy nagadumala sa mga benepisyaryo ug naningkamot ang maong programa nga makapangita pa’g pondo aron mapadayon ang pagpanghatag og assistance alang sa mga bata.

Sa maong kalihokan nahimong emosyonal ang pagpasalamat sa ginikanan sa mga batang (PWD) ug gidayeg nila pag-ayo si Gobernador Edwin “Kuya Gob” Jubahib sa gihatag nga pag-amoma ug wala niini kalimti ang mga nanginahanglan og tabang gikan sa atong panggamhanan.

 

 

 

 

 

 

 

 

 

DavNor News

nainggo