NANAWAGAN ang Commission on Election Regional XI Director nga mao sab ang nagsilbing Davao del Norte Provincial Director gikan Oktubre 1-8, 2021 ngadto sa mga politiko ug sa mga supporters nga dili una mangampanya bisan pa man kung naka-file na sa ilahang Certificate of Candidacy ang mga kandidato.

“Just be fair. Antayin na lang natin yung campaign period para po mangampanya. Let’s not take the opportunity nga nag-file ngayon eh magka-kampanya, early campaigning na. Although hindi naman bawal yan sa batas but we have the moral obligation to our constituents at sundin natin kung ano yung sinabi ng batas,” panawagan ni COMELEC XI RD Atty. Michael Abas ngadto sa mga kandidato ug mga supporters atol sa kataposang adlaw sa COC filing, Oktubre 8.

Alang sa probinsyal nga posisyon, dunay 2 ang nag-atbang sa pagka-gobernador, 2 sa pagka-bise-gobernador, 11 ka kandidato ang mag-ilogay sa lima ka pwesto sa pagka-board member sa District I samtang 13 sab ang mag-derby alang sa laing lima ka pwesto pagka-board member sa District II sa Davao del Norte. Sa pagka-kongresista sa Distrito I, 3 ang magsangka lakip ang usa ka independent candidate samtang duha ang mag-atbang alang sa pagka-kongresista sa Distrito II.

Labot sa peace and order, mapasalamaton si RD Abas nga walay dili maayong panghitabo ang nalangkit gumikan sa pag-file sa mga COCs gikan niadtong Oktubre 1 hangtod nahuman kini niadtong Byernes, Oktubre 8..

“Generally peaceful. And we are thankful to the PNP and the AFP for their assistance in seeing to it that yung activity po natin from October 1 to 8, 2021, ay maging maayos, particularly in Davao del Norte,” butyag sa COMELEC XI RD.

Labot sa katibuk-ang kahimtang, midugang si Atty Abas nga puparehas lang sa miaging 2019 nga eleksyon hinuon gamay lang ang mikuyog sa mga kandidato ug walay “kisaw” sanglit panahon sa COVID-19 pandemya.

“We’ll it’s almost the same because we we’re so lucky that everyone cooperated. Medyo peculiar today because what we call of “new normal” so kukunti lang yung pumunta para samahan yung kanilang kandidato. Overall, halos pareho lang po,” pagtug-an sa hepe sa COMELEC XI.

Nasakop ang mga probinsya sa Davao Occidental, Davao del Sur, Davao del Norte, Davao de Oro ug Davao Occidental lakip na ang Davao City nga naglangkob sa Rehiyon XI ilawom sa hurisdiksyon sa COMELEC XI.

******************///