Malampusong gipahigayon ang Awarding Ceremony sa pinakaunang Biyaheng Davnor Tourism Video Competition niadtong Disyembre 20, 2021 sa PTV Davnor Channel 48 studio.

Sa tinguhang mapasundayag ang nagkadaiyang tourist destinations, mga kabilin, katawhan, kultura, mga produkto, Indigenous People (IPs), palibot sa lungsod ug mga kapistahan sa nagkalain-laing Local Government Units (LGUs) sa probinsya sa Davao del Norte, nagpahigayon ang Provincial Administrative Division Office-Tourism (PADO-Tourism) og usa ka kompetisyon, mao ang Tourism Video Competition niadtong milabay nga mga bulan.

Sa onse (11) ka mga LGUs sa probinsya sa Davao del Norte, unom (6) lamang ang nakahimo sa pagsalmot sa kompetisyon: Munispyo sa Carmen, Braulio E. Dujali, Talaingod ug Kapalong; ug lungsod sa Samal ug Panabo. Ang mga videos sa mga entrante giupload sa FaceBook page nga DavNor Tourism ug dayon gihukman sa mga hurado ug netizens.

Nasungkit sa Munisipyo sa Kapalong ang unang ganti ug sila midawat sa ilang premyo nga 30,000 pesos. Ikaduhang mananaug ang siyudad sa Panabo ug sila midawat sa ilang premyo nga 20,000 pesos. Ikatulong ganti ug 10,000 pesos sab ang gitunol sa Munispyo sa Talaingod. People’s Choice Awardee ang Island Garden City of Samal. Midawat ang mga mananaog ug relief sculpture trophy nga mugna sa Bantawan artists nga sila Jonathan Sensano ug Joseph Villanueva. Nakadawat ang ubang LGUs og consolation prize nga 5,000 pesos.

Mipadayag si Gov. Edwin “kuya gob” I. Jubahib sa iyang suporta pinaagi ni Provincial Administrator Engr. Josie Jean R. Rabanoz. Nagtuo siya nga ang promosyon sa turismo karong panahona pinaagi sa namugna nga programa, usa ka maalamon nga lakang alang sa pagbangon ug pagpahiangay sa mikunhod nga ekonomiya sa turismo sa probinsya gumikan sa pandemya.

Nanghinaot usab si Dr. Noel S. Daquioag ang Provincial Tourism Officer nga sunod tuig makahimo na sa pagsalmot ang tanang LGU sa probinsya.

 

 

 

 

 

DavNor News