Siyam (9) ka mga Local Government Unit (LGUS) sa Siargao Island ang nakadawat ug tabang gikan sa Probinsya sa Davao del Norte pinaagi sa personal nga pagtunol sa 700 sacks of rice, 65 boxes of canned goods, ug 33 gallons of water niadtong December 31, 2021 - January 1, 2022.
Ang mga LGU’s sa Isla mao ang Dapa, General Luna, Del Carmen, San Benito, Santa Monica, Socorro, Pilar, San Isidro ug ang Burgos kinsa gi deklarang pinaka apektado ug dunay pinaka dakong damages human sa bagyo.
Gi pangunahan nila Provincial Social Welfare and Development Office (PSWDO) P.G. Assistant Department Head Jeffrey Calamongay, PSWDO Social Welfare Officer II Lanny Guinit, ug ni Provincial Disaster Risk Reduction and Management Office (PDRRMO) Admin Officer IV Melvin Roy Javier ang pag turnover sa tanang relief goods ngadto sa Provincial Warehouse sa Siargao diin mao ang receiving area sa tanang donasyon ug relief goods sa Isla.
Sumala ni Surigao Del Norte Governor Francisco “Lalo” Matugas, construction materials ang labaw’ng kinahanglanon sa ilang probinsya aron nga masugdan ang restoration ilabi na gayud ang kabalayan sa mga residente nga gi kuso-kuso ni bagyong Odette.
“Sa pagka karon, after several days after the typhoon ang amo main concern karon purmero restoration, ang among power kay hantod karon wala pami kuryente ug ang communication sad na maayo naning tanan kay sa pagka karon limitado ra ang areas nga naay signal ug ang ika tulo ang pagtabang sa mga nahiagum sa bagyo na wala nay balay, nangaguba so construction materials jud ang among kinahanglanon like to give them sink, plywood or tent mga tarpaulin ingon ana dako na kaayo na nga tabang para ang ilang kapuy-an naay kasilungan kay hilabi na karon nga diri sa Surigao del Norte rainy season so ulan karon sunod ulan ulan so mao na ang importante sa tanan. “ sugyot ni Governor Matugas kinsa milingkod sa Information Desk sa Siargao Island Command Center alang sa pagpanguna sa pag han-ay sa mga skedyul sa relief distribution sa Isla.
Sa kasamtangan, daghan pa ang mga residente ang ga hinay hinay ug pamanday sa ilang panimalay ug anaa na sa 13, 714 ka mga panimalay ang gi deklarang partially damaged ug 12,086 ka panimalay ang gi deklarang totally damaged kini matud sa Siargao Island Incident Command Center.
Wala gihapoy tubig ug kuryente ang tanang areas sa Isla tungod sa daghang poste ug linya sa kuryente nga nangatumba human sa bagyo. Kini nagpalisod sa mga residente sa pag barog sa ilang pang adlaw-adlaw nga panginabuhi.
Base sa Enero 1 nga datus sa Siargao Island Command Center, mikabat na sa 597 ka mga tawo ang nahiagum sa adunay minor injuries ug adunay 20 ka nadeklarang patay sa tibuok Isla Siargao.
Gipaabot ni Governor Matugas ang iyang dakong pasalamat sa Probinsya sa Davao del Norte labi na gayud kay Governor Edwin “Kuya Gob” I. Jubahib.
Nanghinaot ang mga residente ug mga opisyales sa Isla Siargao nga magpadayon ang tabang ug supporta sa National Government, Private Groups, ug mga LGUs labi na ang paghatag ug mga construction materials sa mga apektadong residente.
Nagapadayon gihapon ang pagdawat ug hinabang ang Isla Siargao, ug sa mga buot mo hatag sailang mga donasyon mamahimong makig coordinate sa Siargao Island Incident Command Center ug Provincial Government of Surigao del Norte para sa mas hapsay nga dagan sa pagpang-apud-apod sa ayuda.
