DAKO KAAYO ang ganansya sa Davao del Norte Peace & Order Council (PPOC) sa miaging 2021 kung bahin sa pagpatunhay sa kalinaw ug kasegurohan sa tibuok probinsya.

Ingong suporta sa Ending Local Communist Armed Conflict (ELCAC) EO 70 ni Presidente Rodrigo Duterte, ilawom sa letrang “O”(Operational Peace & Development) sa KUYA GOB development agenda ni Gobernador Edwin Jubahib, gipresentar sa lain-laing ahensya sa gobyerno nga naglangkob sa PPOC ang mga kalamposan atol sa unang 2022 regular meeting ilabina sa kalinaw ug kasegurohan.

“On the home front, we will pursue with as much fervor our KUYA GOB development agenda to better the lives of the Dabaonon. . . We will judiciously utilize our provincial coffers, including our emergency response and confidential funds, in ensuring the wellbeing, security, welfare and development. We shall continue our proactive strategies with particular focus on the future. . .With the commitment of the honorable members of this council, with all the support of all sectors of society, we shall prevail. We shall achieve many great things by working together on solidarity under the banner of One DavNor, One Team,” pahayag ni Kuya Gob sa pagsugod sa PPOC meeting Byernes, Enero 7.

Ang report sa Philippine Army pinaagi ni 1003rd Brigade Commander Col Consolito Yecla nagpakita nga sulod lang sa 2021, 101 ka mga regular NPA gikan sa Talaingod ang misurender uban ang 56 ka mga armas gumikan sa pag-implementar sa mga proyekto diha sa ilang Sitios ilabina ang karsada.

Ilang gitawag ang 27.2 kilometros “Pan-pan road project” kay gi-unhan sa mano-mano nga pagtrabaho sa Army ug mga boluntaryo gamit ang pala, bara, maso ug silsil. Ang karsada maggikan Sitio Nasilaban padulong Sitio Bato (boundary San Fernando, Bukidnon) nga mohatag benepisyo sa 12 ka sitios og motadlas sa upat ka sapa ug busay uban sa batoon nga dapit. Ang administrasyon ni Kuya Gob nagbutang dayon og backhoe; laing backhoe gikan sa LGU Talaingod ug bulldozer sa Army. Nagdonar sab sa gikinahanglang diesel ug oil ang opisina ni DavNor First District Congressman Pantaleon Alvarez.

“During the implementation of Pan-Pan project nagkaroon tayo nang massive surrender. From day one may nagsurender na dalawa, then dalawa, isa, day 35 dalawa, then on day 39 may nagsurender na 19 na NPA under Ka Eloy and high-powered firearms. Napakalaki nang role ng Office of the Provincial Governor in the surrender of Datu Eloy, umabot sila nang 32 last November. And this is because nakita nang mga tao na yung pagresolve natin nung isyu nilang magkaroon nang kalsada ay ginampanan natin. . Lately nagkaroon nang deployment nang mga backhoe from the provincial government, municipality of Talaingod,” matod ni Col Yecla nga nagpakita nga sobra 60% sa kalamposan nahitabo sulod lang Hulyo hangtod Disyembre.

“Mao nay dako kaayo nga accomplishment nato sa Peace and Order with regards to insurgency matters,” komento ni Gobernador Jubahib nga naghisgot sab sa pagkahugno sa Guerilla Front 33 diha sa New Corella nga dunay 33 ka gerilya ang misurender uban sa ilang mga armas.

Dili lang pinaagi’g materyal ang gipaabot nga tabang sa kanhi mga rebelde. Gitaho ni Kapalong Mayor Marites Timbol nga bisan kung sirado na ang enrollment sa Kapalong College of Arts & Sciences (KCAST) apan ang 9 ka IPs gikan sa UCCP Haran ilang gidawat ingong estudyante.

“Taga-Talaingod nga mga estudyante coming from Haran, there are nine students enrolled in Kapalong local college KCAST. Bisan close na ang enrollment apan gidawat tungod og alang nila,” matod ni Mayor Tess.

Desidido ang Army nga sa Pebrero 2022 maundang na gyod ang kalihokang komunista sulod sa probinsya pinaagi’g paghangyo kanila nga mobalik na sa sabakan sa kagamhanan.

*******************///

 

 

 

 

 

DavNor News

nainggo