Kapin 5.6 million pesos na sab ang nadawat nga assistance sa Davao del Norte gikan sa Department of Labor and Employment kon DOLE sa pag-abli sa bag-ong tuig. Kini pormal nga gidawat ni Kuya Gov. Edwin I. Jubahib sa usa ka seremonya sa Provincial Governor’s Office sa kapitolyo nga gilangkoban sa mga opisyal sa DOLE nga sila Assistant Regional Director Atty. Jason Balais, Provincial Director Angelina Talingting ug uban pang personahe sa maong ahensya.

Kapin 33 million pesos lakip ang nasampit nga pondo ang natunol sa DOLE sa probinsya sa tuig 2021 nga dakong tabang sa pag-implementar sa nag-unang programang DavNor Kawsa sa Agrikultura Alang sa Panginabuhian sa Barangay kon KAAGAPAY Program sama sa vegetable, tree and free-range chicken production.

Kapin otso mil na ang nakabenepisyo sa KAAGAPAY ug TUPAD partnership nga naghatag ug sweldo sa mga benepisyaryo ug malungtarong panginabuhian nga gidalit sa Probisyal nga Panggamhanan inubanan sa DOLE ug uban pang ahensya sa gobyerno.